Steinríkur tjáir sig...........

Skoða

2007-12-19T16:23:00.000Z

Fluttur.......

2007-01-02T10:51:00.000Z

Ég hef fært mig um set í von um viðbrögð, frægð og frama. Ný slóð er steinrikur.blog.is. Vinsamlegast uppfæra uppáhöld og krækjur á nýja staðinn.

Jólin

2006-12-26T11:35:00.000Z

Komiðið sæl....
Gleðileg jól og farsælt komandi ár. Frá og með nýju ári hef ég hugsað mér til hreyfings..... Meira um það seinna.

Til athugunar.

2006-12-14T15:41:00.000Z

Það skal tekið fram hér með að systir mín var ekki að kaupa sér mjótt eða lítið hús heldur er það feitt og stórt.

Ávarp til hinnar íslensku þjóðar.

2006-12-13T11:10:00.000Z

Þá hefur Hringsson fjölskyldan loks verið kláruð og afraksturinn á leið í jólapóstinn. Sjaldan eða aldrei hefur útgáfa sem þessi litið dagsins ljós nema ef vera skyldi einhvern tíman áður. Aðstandendur Hringssons fjölskyldunnar bíða nú spenntir eftir því að herlegheitin skelli inn um lúgur landsmanna enda lengist listinn yfir viðtakendur með hverju árinu. Er vitað um heilu fjölskyldurnar sem bíða í ofvæni eftir fréttum af fjölskyldunni og má því segja að upphaflegum tilgangi sé náð þ.e. að breiða út þá skemmtun sem biðin eftir fréttum af fjarlægum kunningjum frá útlöndum er.
Ég vil því biðja viðstadda að lyfta glösum þeim til heiðurs.
Lifi Hallbera
Lifi Herbert
Lifi Hersir Máni
Lifi Hera Sól
Lifi…. (bíddu nú við hver er þessi jón).

Þau lengi lifi,
Hibb, hibb, húgra húgra húgra.

Einfaldan Jóhann takk......

2006-11-30T13:22:00.000Z

Ég sat í bílnum mínum og hlustaði á útvarpið í gærkveldi. Geimt en ekki gleymt heitir þátturinn þar sem Freyr nokkur Geirfugl fær til sín tónlistarmenn sem yfirfara gamlar skífur sem þeir hafa gefið út. Í gær var mættur til hans Jóhann nokkur Helgason.

Freyr: .......og svo eru sumir sem segja að borgin sé orðin hálfgerð Sódóma.
Jóhann: Já, en það breytist vonandi þegar nýjir orkugjafar verða fundnir upp og bílarnir menga þá minna.

Annað var það ekki..............

Um varnir lands.

2006-11-29T12:44:00.000Z

Samkvæmt nýjustu fréttum stíga starfsmenn utanríkisráðuneytisins í vænginn við nánast alla sem halda úti her.
Legg til að kanadamönnum verði boðið að koma og verja land og þjóð. Sé fyrir mér að herstöðin verði opnuð að nýju og endurskírð, Ingersollur.

Pamela og ég

2006-11-28T08:38:00.000Z

Á flakki mínu um netheima datt ég niður á litla frétt um vinkonu mína Pamelu Andersson. Ekki svo að segja að Pamela þekki mig persónulega eða hafi haft eitthvað af mér að segja síðustu ár en samskipti mín við konuna hafa hins vegar verið all þó nokkur. Hef ég fylgst með ferli hennar jöfnum höndum allt frá því að hún kom fyrst fram sem CJ Parker á Strandvörðum og fram til þessa dags. Fáar skapgerðaleikonurnar hafa tærnar þar sem Pam (eins og ég kýs að kalla hana) hefur hælana og kemur það ekki síst í talsetningu hennar á hlutverki Stripparellu í samnefndum sjónvarpsþætti. Gæði þessa sjónvarpsþátta koma kannski ekki á óvart þar sem Pam var ekki einungis í hlutverki aðalpersónunnar heldur einnig í hlutverki "frjós ráðunauts" við gerð þáttanna. Þegar ég í sakleysi mínu benti Spúsu og tveimur öðrum kvennkyns á þessa litlu frétt var sem allt ætlaði um koll að keyra. "Sjáið þið brjóstin á henni" æpti Spúsa með hryllingi. "Hvaða skálastærð ætli þetta sé eiginlega? R?" svaraði mákona mín með annari upphrópuninni. Eftir þetta eyddu þær töluverðum tíma í umræður um brjóstamál og sílikónfyllingar (þrátt fyrir að ég hafi bent á að hvergi hafi komið fram sannanir um skaðsemi slíkra fyllinga og að bandaríska þingið hafa leyft þær að nýju)og rökkuðu aumingja Pam niður. Þrátt fyrir að hafa hetjulega reynt að bera hönd fyrir höfuð Pamelu varð ég eiginlega undir og snáfaði aftur inn í rúm. Enda kannski ekki skrítið ég er búinn að veera mjög lasinn undanfarna daga og svo var ég líka töluvert sjokkeraður eftir að hafa lesið um skilnaðinn við Kid Rock.

Annað var það ekki..............

Mr. America....

2006-11-24T00:22:00.000Z

Á meðan maður bíður eftir mesta töffara á skjánum googlar maður eftir skemmtilegum myndum. Vesssgú............

Herra Ísland enn á ný....

2006-11-23T23:44:00.000Z

Keppninni er lokið og Herra Ísland stígur fram á sviðið Brúnkusprautaður með botox og tá á hvarmi. Undir styrkri stjórn kynnanna Sigurlaugar og Arnars Skauta var Snaröfugum Röðulssyni afhentur borðinn breiði. Ég er ekki frá því að gripasýningar eigi fyllilega rétt á sér svei mér þá.
(Myndin hefur ekkert með keppnina Hr.Ísland að gera. Hr Ísland er skráð vörumerki Laufdal ehf. og hefur ekkert með Steinríkinn að gera.)
Annað var það ekki......

Herra Ísland

2006-11-23T23:40:00.000Z

Er til eitthvað meira hallærislegt en að vera valinn vinsælasti strákurinn í fegurðarsamkeppni? Held ekki nema ef vera skildi að vera valinn Herra Next.

Gamalt fólk 2

2006-11-14T23:58:00.000Z

Hvað kallar maður fólk sem kýs tugthúslimi á þing?
Ellifjár?
Eða kannski má segja að nú sé loksins Sjálfstæðisflokkurinn gegninn alla leið, þ.e. er með hund í framboði.

Gamalt fólk 1

2006-11-05T03:12:00.000Z

Hvað kallar maður 74 ára vinstri kvennalistakonu sem sér orðið ekkert nema Sjálfstæðisflokkinn þegar líður að kostningum.

Elliæra?

Komið þið sæl....

2006-11-04T02:30:00.000Z

Eins og dyggur lesandi hefur bent á þá mætti virðast sem þessi síða hafi dáið drottni sínum. En það er nú aldeilis ekki svo heldur hef ég haft töluvert um að vera undanfarnar vikur og sá litli tími sem ég hef haft hefur meira og minna farið í aðstoð við útprentanir á ljósmyndum fyrir foreldra mína. Í sl. mánuði hef ég áorkað ýmislegt sem og verður hér stikklað á stóru.

Hormónaferð með Spúsu til Króatíu
ITIL námskeið hjá Isoft sem endaði með prófi (og náttúrulega ekkert bloggað þá vikuna)
Vista námskeið hjá Mark Minasi
Undirbúningsvinna vegna Hringson
Körfubolti
Leikfimi
Undirbúningur v/ árshátíðar
Já og svo hef ég líka reynt að vera í vinnunni.

...og hana nú, annað var það ekki..........

Skessuhorn

2006-10-16T16:04:00.000Z

VÍSIR.IS » Fréttir » Innlent: " NFS, 16. Október 2006 12:42
Vill banna hesta í framsæti bifreiða
Í lesendabréfi í Vesturlandsvefnum Skessuhorni segir frá því að legið hafi við stórslysi í Melasveit í Borgarfirði, á dögunum, þegar bíll ók inn á veginn, þvert í veg fyrir aðra bíla. Í þessum bíl reyndist vera kona sem hafði meðalstóran hund í kjöltu sér, og virtist hafa litla stjórn á ökutækinu, enda hundurinn allur á iði.
Höfundur bréfsins hringdi í lögregluna til þess að kanna málið, og var tjáð að ekkert í umferðarlögum bannaði fólki að hafa gæludýr í fangi sér við akstur. Bréfritari telur, í ljósi þessarar reynslu, að líklega vanti einhver ákvæði í umferðarlög.
Mætti þar t.d. nefna ákvæði um að bannað sé að stunda stjörnuskoðun samhliða akstri; bannað sé að hafa fleiri en 12 lausa grísi í hverjum fólksbíl, bannað sé að hafa fleiri en 30 óða ketti í hverjum bíl og bannað sé að hafa hest í framsæti bifreiðar nema hann sé í beisli. "

Annað var það ekki...........

Les Trois Mousquetaires

2006-10-16T10:57:00.000Z

Þá er rjúpnaveiðitímabilið hafið með tilheyrandi útköllum hjá hjálparsveitunum. Strax á fyrsta degi þrjú útköll. Skytturnar þrjár skiluðu sér þó allar til byggða heilar áður en til stórátaka kom.

Annað var það ekki......

Tunglbankinn.....

2006-10-14T01:14:00.000Z

Á meðan ég herði mig upp í að skrifa ferðasögu frá Króatíu kætir mig að næsti framkvæmdastjóri SÞ skuli heita Banki. Ekki ólíklegt að Garður litli Guðmunds verði sá sem taki við síðar.

Annað var það ekki.....

Af lútnum.....

2006-10-04T09:30:00.000Z

Þetta finnst mér fyndið.
Annað var það ekki..........

Borgmyrkvinn mikli

2006-09-28T23:03:00.000Z

Þá er búið að kveikja á Reykjavík aftur á ný og má segja að athæfið hafi verið bærilega heppnað. "Lítið sást þó til stjarna á mestöllu höfuðborgarsvæðinu vegna skýja en mikil ró og fegurð færðist yfir borgina og fallegar skuggamyndir urðu til" sagði mogginn en Vísirinum fannst merkilegast að "einnig hefur verið mikið um hópasöfnun unglinga víða í borginni í kvöld".

Ég fór út í Geldinganes með dóttur minni þar sem við horfðum á báðar stjörnurnar sem sáust í gegnum skýjahuluna. Fannst þó skrýtið að þegar meirihlutinn reynir að slökkva ljós til þess að eyða þá séu einhverjir semhlaupi út og skjóti flugeldum.

Annað var það ekki........

Öxar við ána......

2006-09-26T22:27:00.000Z

Þegar líður að kosningum spyr ég sjálfan mig hvað ætti ég svo sem að kjósa. Ungur var ég viss um að pabbi minn hlyti að hafa rétt fyrir sér þegar hann sagði mér að Sjálfstæðisflokkurinn væri eina vitið að kjósa. Komst að því síðar að það átti sér dýpri rætur í huga hans. Seinna meir, þegar ég fullorðnaðist, kynntist ég öðrum stefnum og fann mér farveg á vinstri vængnum en hef í seinni tíð hins vegar hallast að miðjunni. Myndi þó aldrei kjósa framsókn. Ekki einu sinni þó að hundur væri í framboði.
En hvað um það.
Fyrir hverjar kosningar reyni ég skilmerkilega að kynna mér stefnumálin og kjósa eftir því. Það er hins vegar staðreynd að þegar þeir flokkar sem ég kýs vinna kosningar þá eru þeir manna fljótastir að gleyma því sem lofað var og heima sit ég og brýni fyrir sjálfum mér að komast í meiri álnir þar sem ég get verið öruggur á því að í það minnsta Sjálfstæðisflokkurinn mun þá alla vega passa upp á mig og mína. Í síðustu kosningum kepptust flokkarnir við að lofa hinum og þessum hópum í þjóðfélaginu bótum og betri tíð. Ég fann mig hins vegar ekki í einum eða neinum af þessum hópum. Ég virðist nefnilega tilheyra stórri stétt manna sem lendir á milli. Ég er ekki með börn á leikskóla, Ég er ekki bóndi, ég er ekki að byrja á því að kaupa mér íbúð, ég er ekki fjármagnseigandi, ég er ekki öryrki og ekki gamalmenni o.s.fr. Ég mæti bara í mína vinnu, vinn og vinn, og borga svo mína skatta sem fara í það að borga niður skatta þeirra ríku og í bætur handa barnafólki. Það er ekki það að ég sé á móti þessum hópum og vilji ekki að allir hafi mannsæmandi kjör. Þvert í móti er ég á því að við eigum að hugsa vel um þá sem minna mega sín.
Þannig að.....
Nú líður að kosningum og ég var harðákveðinn í því að sá flokkur sem að byði mér best myndi fá mitt atkvæði. Hins vegar eftir að hafa fylgst með útifundinum hans Ómar núna í kvöld er ég tilbúinn til þess að endurskoða það sem ég taldi vera best í dag fyrir mig og mína. Þegar upp er staðið hlýtur það að vera verndun landsins og hér með skora ég á Ómar að fara fram í vor. Ég er alveg tilbúinn til þess að bíða 4 ár í viðbót eftir því að einhver stjórnmálaflokkurinn stingi að mér dúsu ef það verður til þess að komið verði í veg fyrir að Ísland breytist í álver.

Annað var það ekki.......

Fastur í vinnu.

2006-09-26T20:37:00.000Z

Ætlaði í Kárhnjúkagöngu frá Hlemm og niðrá torg en festist í vinnu. Vísir má þó eiga það að það er sýnt beint.

Framlag Íslendinga til heimsmenningarinnar

2006-09-18T14:05:00.000Z

"Ég heyri ekki betur en að Magni hafi kennt keppinautum sínum að segja: Farðu í rassgat. Það verður ekki sagt að hann hafi lifað til einskis." sagði Ármann nokkur Jakopsson á blogginu sínu.

Ármann er örbloggari eins og bróðir hans Sverrir. Fyrir ykkur sem ekki munið þá eru Ármann og Sverrir helst þekktir fyrir að vera MS tvíburarnir. Mér finnst þeir frekar skemmtilegir bloggarar, sitja við vördinn alla daga og blogga ört um hluti sem koma upp í heilann á þeim. Og það er slatti sem upp kemur í þeim heilum. Ég er líka með svona heila. Það er oft á dag sem upp spretta hugmyndir að bloggfærslum en ólíkt þeim bræðrum er ég sjaldnast í aðstöðu til þess að setjast við og blogga. Þetta er munurinn á því að vinna við tölvur og að vera fræðimaður og háskólakennari.

Meira af Magna

2006-09-11T11:34:00.000Z

Þess má geta að Magni er sonur Ásgeirs Arngrímssonar, sauðfjárbónda á Brekkubæ í Borgarfirði eystra.

Rockstar Supernova

2006-09-11T10:05:00.000Z

Ég hef ætlað mér nú í nokkurn tíma að tjá mig um nýjasta æði íslendinga en ekki haft erindi sem erfiði. Þessi littla grein frá heiðursmanninum Enter af Baggalúti segir hins vegar allt sem ég vildi sagt hafa.

Magni kosinnEnter
Jæja.

Loksins er fundin íþrótt sem Íslendingar geta eitthvað í. Þeir geta kosið.

Almáttugur hvað þeir geta kosið.

Maður sá bókstaflega hvernig kjánahrollurinn hríslaðist um hann Magna okkar í nótt sem leið þegar ljóst var að móðursýktir Íslendingar, glaseygðir af þreytu og útbelgdir af kaffi, höfðu komið honum áfram í úrslit söng- og danskeppninnar Rockstar:Supernova í skjóli nætur.

Lítið rokk í því.

Dáldið eins og að láta mömmu kjafta sig fram fyrir biðröð á skemmtistað.

En jæja. Þjóðin hefur kosið.

Ó, ef þið hjartahreinu húsmæður, sligaðar af þjóðrækni, móðurlegri umhyggju og plebbi, bara vissuð. Ef þið bara vissuð hverrar fangi Dave Navarro hvílir í um nætur, hví Jason Newsted tjáir sig jafnan eins og vélknúinn blökkumaður, hvaða skelfilegu leyndarmál hár Gilby Clarke geymir og hvar ljúflingurinn hann Tommy Lee hefur verið að pota trommukjuðanum sínum gegnum tíðina, þá væruð þið ekki jafn áfjáðar í að senda okkar besta son í flúraðan faðm þeirra félaga.

Jafnvel þó hann sé Íslendingur.

Annað var það ekki .................

Gítarinn minn.....hann er minn en ekki þinn!

2006-09-09T21:39:00.000Z

Titill þessi er stolinn frá félaga mínum sem samdi einu sinni lag. Ástæðan fyrir honum er sú að ég hef verið upptekinn við nýja gítarinn minn undanfarnar vikur. Hef meiri áhuga fyrir honum en bloggi alla vegana þessa dagana. Það gengur meira að segja svo langt að nú hef ég byggt upp myndarlegasta sigg á fingurgómum vinstri handar. Fyrir ykkur sem vitið ekki þá þykir sigg á fingurgómum mikill kostur þegar maður spilar á strengjahljóðfæri. Það er nefnilega frekar vont að spila lengi á gítarinn nema þú sért kominn með sigg. Þannig að næst þegar þið sjáið einhvern frægann gítarleikara. Spyrjið hann hvort hann sé með mikið sigg á gómunum. Og núna spila ég á gítarinn......

Í Kringlunni....

2006-08-22T14:59:00.000Z

"Hvernig finnst þér þetta?" spurði hún og snéri sér í hringi frammi fyrir vinkonu sinni. Sú sat áhugalaus og virtist ekki hafa neinar sérstakar skoðanir á gæðum eða útliti peysutuskunnar sem vinkonan var að máta. Þegar betur var að gáð mátti þó sjá grettu í andliti hennar í hvert sinn sem sú er mátaði snéri baki í hana. "Nú hvernig finnst þér?" ítrekaði mátstúlkan og nú með heldur meiri þjósti í röddinni. "Ha, jú bara flott" svaraði sú skoðanalausa en fyrir mig sem horft hafði á grettuna var greinilegt að henni gat ekki staðið meira á sama. Greinilega orðin hundleið á því að vera stödd í Kringlunni á versta tíma.
Ég var hins vegar vanur. Kann orðið á trixin sem þarf til þess að komast í gegnum venjulega mátunar- og verslunartúr án þess að Spúsa verði ofsalega þreytt á því að eiga svona leiðigjarnan mann. Fara með í fyrstu búðina, sýna áhuga og umfram allt passa sig á því að geispa ekki. Í næstu búð, sem undantekningalaust er skóbúð hristir maður hausinn lítið eitt og læðir út setningum eins og "áttu ekki nóg af stígvélum elskan mín?" eða "ég held að stígvélakvótinn sé uppurinn (ansi er þetta skemmtilegt orð) fram til 2010".
Í framhaldinu er gott að dæsa lítið eitt og lauma að hugmynd hvort maður ætti kannski bara að fara og fá sér kaffisopa. "Jú, elskan mín viltu ekki bara gera það". Óbrigðult....
Ég var sem sagt sendur á kaffihúsið meðan Spúsa og únglíngurinn skoðuðu, spáðu og spekúleruðu. Sat einn með kaffið og flunkunýja skrifblokk fyrir framan mig, tilbúinn til að semja ódauðlegt ljóð eða jafnvel skemmtilega smásögu, þegar ég rak augun í Gweldu og Flísu Sveimhugamóður og var ég ekki lengi að bjóða þeim til borðs. Voru þær stöllur við brullupsfatakaup og hafði gengið vel. Hélt ég þeim að spjalli dágóða stund og greinilegt var að þeim þótti mikið til um hvað ég hafði fram að færa í því spjalli. Það stóð þó ekki lengi því Spúsa mætti með Únglínginn og var þá eins og við manninn mælt að ég gleymdist og kvennaskarinn sameinaðist í skoðun á innihaldi plastpokanna.
Þegar staðið var upp fr´borðinu tjáði Spúsa mér hún þyrfti að fá mig með í verslun þar sem Únglíngurinn hefði tekið frá flík og þyrfti á láni frá föður sínum að halda fram að útborgunardegi. Í stað þess að ganga beint að afgreiðsluborði og reiða fram það fé er þurfti fyrir flíkinni voru þær mæðgur skyndilega komnar að fatahengjum og teknar til við að spá og spekúlera á ný. Ég tillti mér niður á stól og dæsti. "Hvernig finnst þér þetta?" spurði Spúsa og snéri sér í hringi frammi fyrir mér. "Úff, hvað ætli klukkan sé eiginlega orðin" hugsaði ég og gretti mig lítið eitt í hvert skipti sem Spúsa snéri í mig bakinu. "Nú hvernig finnst þér?" ítrekaði Spúsa og nú með heldur meiri þjósti í röddinni. "Ha, jú baraflott" svaraði ég.

Annað var það ekki......

Kominn til baka...

2006-08-22T00:21:00.000Z

Ég er svo sem löngu kominn til baka en hef ekki haft það í mér að setjast við vördinn við skriftir. Enda er það svo að heimsóknum á þessa síðu fer hríðfækkandi. Ég sé þó að einhverjir eru enn að kanna hvort ég sé kominn til baka og hafa þeir nú hlotið sérstakan heiðursess í Frægðarhöll Steinríksins. En hvað um það ég er sem sagt búinn í sumarfríi. Það fór fram eins og við var að búast og var of stutt.

Þann 8. september er ég að fara spila á forláta grímudansleik fyrir dansi. Hef ég því legið yfir söngbókum og öðru slíku þar sem ekki þýðir að bjóða fólki upp á efnisskrá Ólafíu, svo maður tali nú ekki um Svarthöfðann. Þætti vænt um ef þið legðuð hönd á plóginn með því að koma með uppástungur af lögum í commentakerfinu.

Tók aðeins til í linkum í dag og setti inn nokkrar síður sem ég les daglega. Bendi sérstaklega á Lavann en þar er á ferð skemmtilegur frístundaphotoshoppari.

Annað var það ekki.....

Sumarfrí.

2006-08-01T00:07:00.000Z

Þegar maður er í sumarfríi er maður ekki að eyða tímanum í blogg. Betra að gera það í vinnunni.

Annað var það ekki......

Monza 1999 - 2006

2006-07-21T20:46:00.000Z

Hún Monza okkar var svæfð svefninum langa sl laugardag. Hún var orðin 7 ára og eftir því sem hún varð eldri og fleiri hundar komu á heimilið varð hún árásargjarnari og á föstudagskvöldið gekk hún of langt og réðist á nýjasta meðlim fjölskyldunnar. Þar sem hún hafði versnað og yngri tíkin var farin að byrja taka upp ósiði móður sinnar töldum við rétt að leyfa henni að fara. Monzan okkar kemur þó til með að eiga stað í hjarta okkar allra enda var hún fyrsti hundurinn okkar og verður hennar sárt saknað.

Spúsa nær fertugu.

2006-07-12T09:31:00.000Z

Hún Spúsa mín verður fullra fjörutíu ára þann 13. júlí. Í tilefni þess skundum við í sumarhús Starfsmannafélags Kópavogs við Efri Reykji (rétt hjá RB bústað)og stefnum að móttöku gesta á laugardag. Ekki verður um eiginlega afmælisveislu að ræða en Spúsa ætlar að hella upp á könnuna og hræra í eitthvað með nýju afmælisgjöfinni. Allir velunnarar eru velkomnir í heimsókn til okkar á laugardaginn og er velkomið að gista ef áhugi er á því. Bústaðurinn tekur lengi við en svo má jafnvel tjalda í nágrenninu ef fólk vill.

Hevítis ítalir......

2006-07-11T10:40:00.000Z

Af hori.......

2006-07-08T18:51:00.000Z

Ég er að drukkna í hori. Hor í nösum. Hor í lungum. Hor í hálsi og hor í holum. Ég er sem sagt þessa dagana að deyja úr hor. Hefði þó viljað að sá dauði hefði haft eitthvað með spikið á mér að gera. En maður fær víst ekki allt.

Annað var það ekki......

Einu sinni var.....

2006-07-07T17:05:00.000Z

Minni á Lavann.

Annað var það ekki.........

HM og Súpenova..........

2006-07-06T11:26:00.000Z

Kominn til baka frá Landsmóti enn staðráðnari í að gerast hestamaður í framtíðinni. Mikið svakalega var þetta skemtileg upplifun. Átti reyndar stundum erfitt með að gera greinamun á hinum ýmsu gangtegundum en það var í sjálfu sér ekkert tekið eftir því. Hvað um það þetta var mikil vinna og hefði ég gjarnan viljað getað fylgst betur með hestunum en lopinn gegg fyrir og held ég að aðstandendur lopans séu þokkalega sáttir við ferðina. Náði mér hins vegar í pest eftir að ég kom heim og ligg núna í bælinu.

Nú líður að lokum HM og ég hef ekki verið að flíka skoðunum mínum á mótinu hér en mikið djöfull eru portúgalar leiðinlegt lið svo maður tali nú ekki um ítalana. Kem til með að halda með frökkum í úrslitaleiknum.

Rockstar Supernova hófst í gær. Ekki frá því að skapast hafi töluverð Gleðibankastrákarnirokkarspenna yfir Magna greyinu. Fólk farið að gæla við að hann ætti góða möguleika enda íslendinga stærsti og bestir í öllu sem þeir taka sér fyrir hendur. Eftir að hafa horft á þáttinn í gær þar sem frægu fírarnir horfðu á hvern annan með meðaumkunarsvip þegar Magni steig á svið og klikktu síðan út á því að þetta væri rokkband en ekki Las Vegas skemtun sem um væri að ræða. Gott hjá Magna að komast þetta langt en miðað við frammistöðuna í gær (ofboðslega vitlaust lag að velja í fyrsta þætti) hef ég ekki trú á því að Á móti sól sé að leggja upp laupana.

Annað var það ekki......

Dimma Woodstock 2006

2006-06-25T09:19:00.000Z

Í gær var haldið í fyrsta sinni svokallað Dimmu Woodstock í fyrsta sinni. Þar komu fram hljómsveitirnar James Dean and the troblemakers, Jim Beam and the troblemakers, Smárakvintettinn og aðalnúmer hátíðarinnar stórsveitin Ólafía. Hófust herlegheitin í kringum tvö og stóðu til tuttugu og þrjú. Þóttu böndin standa sig óhemju vel og var mál flestra að mikil sé framför og þéttleiki allur til fyrirmyndar. Það skyggði þó á að nágrannnar báðu fyrir þögn í fimmtán mínútur rétt á meðan brúðargrey játaðist sínum ektamaka í útibrúðkaupi sem fram fór á næsta bæ. Ekki vorum við glaðir en létum til leiðast þó sármóðgaðir yfir því að hafa ekki verið beðnir um að taka þátt í athöfninni.

Og nú skundar maður á Landsmót hestamanna í viku eða svo og þangað til veður ekki bloggað.

Annað var það ekki.......

Linkar dagsins.

2006-06-21T15:22:00.000Z

Þegar sólin skín er við hæfi að létta mönnum lundina með nokkrum linkum fyrir okkur sem þurfum að sitja við vördinn og svo náttúrulega vegna þess að linkar dagsins hafa ekki litið dagsins ljós í langan tíma.

Nú rakar maður....

Hér má finna margt fyrir ástfangið fólk

Live from the North Pole!

Það er engin synd þó að búkurinn....

Annað var það ekki........

Þjófnaður.......

2006-06-19T13:02:00.000Z

Ég hef áður skrifað hér um nýja plötu Red hot chillie peppers. Nú er mikið rætt lagastuld og er ég ekki frá því að menn hafi nokkuð til síns máls. Lögin eru samt góð.

Annað var það ekki......

Af hlaupurum.....

2006-06-16T00:51:00.000Z

Það hefur varla fari framhjá nokkrum manni að framundan í sumar er Reykjavíkurmarathon. Aðal styrktaraðili hlaupsins er hinn frómi banki Glitnir. Glitnis menn og konur hafa verið duglegir við auglýsingarnar og hefur varla borið blað fyrir augu mín að ekki hafi verið flennistór auglýsing frá bankanum af hlaupandi fólki sem hleypur yfir síðuna. Og núna eru allir strætóar í Reykjavík með sömu auglýsingunni, "hlaupandi fólk" og sama fólkið stendur mannhæðarhátt við flest strætóskýli og teygir.

Ekki að þetta væri í frásögu færandi nema af því að einn af hópnum sem hleypur sem sagt jöfnum höndum yfir blaðið mitt er einn af samstarfsmönnum mínum. Ég hef haft töluvert gaman af því að fylgjast með hinum mismunandi myndum af honum hingað og þangað um bæinn og hef hugsað "það gæti nú verið gaman að sjá upplásnar myndir af sjálfum sér hingað og þangað um bæinn".

Í gær fannst mér sérstaklega gaman að sjá að búið var að plastera honum utan á strætisvagnaskýlið á leiðinni út í Kópavog. Þar stóð minn maður og teigði kálfvöðva í gríð og með andlitið út í umferðina og hendur á gleri skýlisins. "Flottur" hugsaði ég með mér þegar ég renndi framhjá.
En Adam var ekki lengi í paradís.

Á leiðinni í vinnuna í morgun sá ég að einhverjir óprúttnir höfðu sneytt höfuð frá bol og stóð vinnufélaginn hauslaus við teygjurnar. Var það ófögur sjón og sorgleg. Á þessari stundu var ég fegin að það var ekki ég sem var beðin um að hlaupa utan á strætó.

Annar hlaupari hljóp í gær á hlaupbretti á Spáni og eftir á skrifaði hann undir fjögurra ára samning við stórliðið Barcelona. Mér finnst hins vegar að einhver ætti að benda honum á að netahlýrabolir eru ekki í tísku.

Annað var það ekki...........

Ísland 32 : Svíþjóð 28

2006-06-11T18:40:00.000Z

Var ég ekki örugglega búin að láta vita af því að ég hata svía?

Annað var það ekki.............

Remba

2006-06-11T16:24:00.000Z

Vildi bara koma því að að ég hata svía.

Annars hefur runnið upp gullin tími fyrir okkur remburnar sem höfum áhuga fyrir knattspyrnu. Mánuður af fótbolta. Og inn á milli leikja í dag landsleikur í handbolta við svía. Já nú er gaman.

Annað var það ekki nema ef vera skildi að ég hata svía.

Bubbi Kóngur

2006-06-07T01:09:00.000Z

Varð þess gæfu njótandi að horfa á 50 ára afmælistónleika Bubba í sjónvarpinu áðan. Tek hatt minn ofan og fullyrði að það sé enginn íslendingur sem kemst með tærnar þar sem hannhefur hælana þegar kemur að tónlistarvinsældum á Íslandi. Meira að segja Dorit og maðurinn hennar sungu með.

.....og öðrum greinilega líka

2006-06-01T17:41:00.000Z

Má ég kynna nýjasta meðlim Svarthamragengisins.

Tasha Hammers

.....nema af einum......

2006-06-01T16:17:00.000Z

.....og þetta er handa þér.

Sarah Silverman

Sarah Silverman

Ég virðist ekki vera lesinn.............

2006-06-01T00:25:00.000Z

Stundum finnst mér bloggið mitt vera kvöð. Þegar ég hef verið latur við að uppfæra fæ ég samviskubit yfir því að lesandinn minn verði fyrir vonbrigðum yfir því að ég skuli ekki uppfæra. Einu sinni hafði ég þó nokkra sem lásu mig. Ég fékk "comment" á póstana mína en svo fylltist ég leti. Hætti að uppfæra eins ört og þá hætti fólk að "commenta" og ég sem hafði fylgst með teljaranum á síðunni minni stökkva upp um tugi á hverju degi fór að taka eftir því að það hægðist á. Undanfarinn mánuð hefur heimsóknum á síðuna mína fækkað um 46%. Innst inni hef ég grun um að fækkunin hafi jafnvel verið meiri þar sem ég eyddi sjálfur töluverðu púðri í að koma teljaranum yfir 1000 markið. En núna virðist ég sem sagt vera sá eini sem les bloggið mitt og verður að segjast allveg eins og er að ég er uppáhalds lesandinn minn.

Á sunnudag fórum við Spúsa hins vegar aftur á bak. Það var gaman og nú var riðið meðfram vatninu og inn að Móakoti. Þaðan láleiðin yfir heiðina og að vanda beint á barinn þar semvar áð um stund áður en haldið var í Dimmu á ný. Á leiðinni þangað mættum við Geira nokkrum Goldfingri og Óðalsbóndanum sem rúntuðu um á Hummerlimmu. Bæunir að vera á rallandi á þriðja sólarhring. Merkilegt hvað sumt gengur í ættir mann fram af manni.

Á morgun bætist við fjölskylduna. Bæting þessi ber nafnið Tashja og er enn einn hundurinn í Svarthamraræktunina. Belgískur Griffon. Aðrir meðlimir fjölskyldunnar hefa vart haldið vatni yfir spenningi undanfarna daga og er biðinni loks lokið. Hún er ættuð frá Ameríku og þykir hin vænlegasta. Tashja er einungis annar af tveimur hundum af þessari tegund hér á landi. Maki Töshju heitir Jake og er á leiðinni til landsins innan tveggja mánaða. Stefnt að því að sæða sem allra fyrst enda kostar innflutningur sem þessi skrilljónir.

Annað var það ekki í bili......

....ég er hér, ég er hér, góðan daginn, daginn, daginn

2006-05-22T11:33:00.000Z

Síðastliðinn föstudag byrjaði ég nýja færslu á því að afsaka leti mína við bloggið undanfarna daga. Ég ákvað hins vegar að eyða því og byrja á nýju.

Skrapp á hestbak á fimmtudagskvöldið. Hin árlega Kráarreið Vina Dodda var farin í annað sinn og nú var ég búinn að troða mér og Spúsu inn í þann glaðlega félagsskap. Riðið var til Ölstofunnar á Heimsenda og þar fylgdumst við með Silvíu bera hróður íslendinga í 13. sæti undankeppni Evróvísíón. Höfðu menn á orði er ég kom til baka í Víðidalinn að sjaldan hefði eins glæsilegur knapi sést þar á slóðum, yfirvegaður og
og með mikla reisn. Spúsa reið sem alvön enda fyrrum áhugamaður um stóðhesta og hefur tjáð mér að nú verði ekki aftur snúið. Geri ráð fyrir að næstu dýrakaup verði í formi hests.

Spúsa Wilson og hrossið.

Á föstudag skruppum við Spúsa síðan í leikhús og sáum farsann "Viltu finna milljón". Hló mikið og fannst gaman. Eggert Þorleifs, Helga Braga og Laddi voru frábær og aðrir ágætir. Þýðing Gísla Rúnars að vanda stórkostuleg. Fær 3 og hálfa af 5 í minni bók. Mæli með þessu sem góðri kvöldskemmtun.

Á laugardag var ég svo mættur í Steggjapartý hjá Trelle vini mínum sem ætlar að gifta sig í byrju júní. Sökum aldurs var ákveðið að hafa í heiðri hug og heilsu og byrjaði dagurinn kl. 11:00 við rætur Esju. Hef hingað til litið til fjallsins fullviss um að einn góðan myndi ég feta mig upp hlíðar þess. Og upp fór hann, alla leið, og niður aftur (sem var ekki auðveldara). Töluvert strembið verð ég að segja og kom mér í sjálfu sér á óvart.

Á toppnum í snjókomu með Reykjavík í baksýn.

.... annað var það ekki.

Fyrsta færsla úr skrifstofuálmunni.

2006-05-13T00:48:00.000Z

Ylja mér við nýjustu afurð Ret hot chilli peppers (sem er snilld) og langþráð internetsamband í skrifstofuálmunni.

Annað var það ekki..........

Af snepilbólgu og steinsmugu

2006-05-08T16:36:00.000Z

Vaknaði upp á laugardagsmorgunn með verk fyrir eyra og ónot. Þegar fyrsti spegill varð á vegi mínum starði ég í augun á einhverju sem helst minnti á John Merrick sáluga. Snepilbólga ein mikil hafði tekið fótfestu í hægra eyra sem glotti til mín þrisvar sinnum stærra en það hafði verið þegar ég fór að sofa. Fullviss um að Fusidin kremið myndi vinna á bólgunni tjáði ég Spúsu mannalega að enginn þörf væri á að heimsækja lækni. Þegar leið hins vegar á daginn minnkaði bólgan ekkert og undir kvöld var bólgan farin að leiða niður í háls og snepillinn næstum jafnstór og eyrað sem hann hangir við. Nú þá lét ég undan þrýstingi og skellti mér á Læknavaktina. Dr. Gunni stakk á fyrirbærinu og skrifaði upp á fúkkalyf á vörubílsförmum. Bað mig síðan um að halda stungunni opinni mað kreistum og heitum bökstrum. Bólgan byrjaði að hjaðna í gærkvöld og snepillinn byrjaður að lýkjast sjálfum sér á nýjan leik. Fúkkalyfin fara hins vegar í illa í ristilinn minn góða og í morgunn vaknaði ég með steinsmugu eina mikilfenglega. Lét mig hafa það að fara í vinnu en gafst upp í kringum hádegi. Hef eitt deginum á dollunni í staðinn og miðað við ástandið sýnist mér að það gæti orðið hlutskipti mitt í nokkra daga í viðbót.

Annað var það ekki......

Kominn heim.

2006-05-06T11:13:00.000Z

Ég er kominn heim frá Spáníá og var gaman? Þokkalega........
Frábærir vellir í frábærum félagsskap. Nokkuð ljóst að þetta verður árviss viðburður í mínu lífi. Nauðsynlegt að fara í eina karlaferð einu sinn á ári.

Annars kom sumarið í dag til Íslands.

Meira seinna.....

Gaman að þessu.....

2006-05-04T09:34:00.000Z

Slökkviliðið á höfuðborgarsvæðinu sendi tvo slökkviliðsbíla í Grafarvoginn um fjögurleytið í dag þar sem sina brann við enda vogarins, nærri meðferðarheimili ÁTVR. Búið var að slökkva í um fimmleytið en nokkuð brann af trjám og öðrum gróðri. Varðstjóri slökkviliðsins biður foreldra um að brýna fyrir börnum sínum hversu alvarlegt það sé að kveikja í sinu og að leika sér ekki að eldinum.

Tekið af mbl. is

Fyrsti í sumarfríi.

2006-04-21T12:55:00.000Z

Gleðilegt sumar og takk fyrir veturinn. Er kominn í sumarfrí og ætla að skella mér til Spánar í vikutíma. Nú verður spilað golf og slappað af í sólinni. Veðurspáin fyrir næstu viku er sól og 22 til 25 stiga hiti. Gerist ekki betra. Vona að dyggir lesendur hugsi til mín á meðan.

Gleðilega Páska

2006-04-16T11:04:00.000Z

Einu sinni var páskadagsmorgunn vettvangur mikillar tilhlökkunar á mínu heimili. Börnin voru komin fram úr fyrir allar aldir lítt sofin vegna spennings yfir súkkulaðiveislunni sem fram undan var. Þetta var á þeim tíma sem fjölskyldufaðirinn þurfti á því að halda að sofa í það minnsta fram undir hádegi. En nú er öldin önur. Var sem sagt vaknaður í kringum átta leitið í morgunn og átti von á því að yngri kynslóðin á heimilinu færi að skríða fram úr, spennt yfir páskaeggjunum sem biðu þeirra. Ég hafði reyndar sleppt árlegum páskaeggjafeluleik þetta árið þar sem börnin eru vaxin upp úr slíku. Ákvað að opna ekki mitt egg fyrr en á sama tíma og aðrir og hellti mér því upp á kaffi og renndi yfir blöðin í rólegheitum. Þegar klukkan var að farin að ganga ellefu gafst ég upp á því að bíða og réðist til atlögu við eggið mitt. Með líter af blárri mjólk kjammsaði ég á nýrri tegund af páskaeggi, Rísegg frá Freyju. Varð samt fyrir vonbrigðum hvað kunnugleg "ofmikiðafsúkkulaðiþarfaðæla" tilfinning sagði fljótt til sín. Tilfinning sem tengist páskum liðinna ára órjúfanlegum böndum. Um hálftólf skriðu Spúsa og dóttirin fram úr rúmi og þá var nú barasta byrjað á því að fá sér morgunnmat. "Pabbi maður borðar ekki súkkulaði í morgunnmat" sagði hún með þjósti þegar ég benti henni á að stundum hefði hún látið sér duga súkkulaðið í morgunnmat. Það sama gerðist síðan þegar sonurinn skreið fram úr klukkan tvö. Hann kom ekki heim fyrr en um sex leitið í morgunn og undirstrikaði enn á ný fyrir mér að tímarnir hafa breyst. Sem sagt í framtíðinni mun ég kaupa lítil egg handa börnunum og þess betri morgunnmat.

Málshættir þessara páska eru:
Ágirnd vex með eyri hverjum (Spúsa)
Fáir gráta lengi annars gæfu (Anna)
Eitt fordæmi er betra en þúsund ræður (Ég)
Sæt er lykt úr sjálfs rassi (Utan á bláu mjólurfernunni)

Annað var það ekki......

Föstudagurinn langi

2006-04-14T10:35:00.000Z

Ekki myndi ég nenna að láta krossfesta mig í dag. Það er nefnilega skítakuldi og rok á Íslandi. Typical haust einhvern veginn þannig að í staðinn ætla ég að blogga pínulítið, lesa blöðin, hlusta á Jesú krist súperstjörnu (sem ég geri alltaf á þessum degi)og undirbúa matarboðið sem ég ætla að halda í kvöld.
"I am gay and I am red, Johnny is back in town" sagði í gömlum dægurlagatexta og má segja að sama eigi við mig þessa dagana. Spúsa er til baka frá London með fermingarbarnið alsæla. Dóttir mín náði sem sagt þeim merka áfanga í lífi sínu að láta taka sig í fullorðinna manna tölu nú um daginn.

Fermingargjöfin frá foreldrunum var útlandaferð og brugðu þær mæðgur undir sig betri fætinum og heimsóttu London nú í síðustu viku. Kom klifjaðar til baka í fyrrinótt með fullar töskur af ýmiskonar varningi sem fjárfest hafði verið í, ekki síst á einhverjum pönkaramarkaði. Unglingurinn alsæll með ferðina og hefur nú á þessum síðustu vikum fullorðnast mjög.

Á meðan skerptum við feðgar á umgengnisreglum heimilisins (ef það er enginn til þess að taka til eftir mann þá verður maður að gera það sjálfur) og höfðum það ekki minna gott heldur en mæðgurnar.

Hvolparnir eru smátt og smátt að breytast í hunda og nú líður að því að við förum að leita að nýjum heimilum fyrir þá. Askja er nú þegar komin með nýja foreldra en Esja, Katla og Hekla bíða enn. Ef einhver hefur áhuga fyrir því að eignast nýjan fjölskyldumeðlim þá mæli ég með Esju.

Eins og glöggir hefa tekið eftir hér á síðunni þá var árshátíð haldin með pompi og prakt hjá starfsmönnum Kópavogsbæjar og gekk hún vonum framar. Reyndar svo vel að nú þegar hefur verið sett ný dagsetning fyrir næsta ár. Allir í skýjunum yfir ballinu og fengum við sem stóðum að þessu stóra plúsa. Það verður samt ansi erfitt að toppa þetta. Fyrir ykkur sem lesið mig í Kópavoginum er næsta uppákoma, Vorgóugleði, grímuball í féagsheimilinu einhvern tíman í enda maí.

Annars er ég sjálfur á leið til Spánía eftir rétt rúma viku en meira um það seinna.

Annað var það ekki..........

Hvernig breyta má Knattspyrnuvelli í veitingahús

2006-04-11T16:25:00.000Z

....en þá var ég hreppsómagi og alþýðukona.

2006-03-31T18:46:00.000Z

Hef verið frekar uppptekinn þessar síðustu vikur. Margt gerst sem tekið verður saman í öðrum pistli s.s. 1500 manna veisla sem komst inn á síður DV, ferming heimasætu o.m.fl. Á meðan minni ég á nýtt verkefni í ljósmyndakeppninni.

Annað var það ekki í bili........

p.s. Hekla, Katla, Askja og Esja

Skemmtilegt.....

2006-03-17T09:33:00.000Z

Fékk þetta frá henni systur minni

steinrikur --

[noun]:

A master blogger

'How will you be defined in the dictionary?' at QuizGalaxy.com

...og verkvitið hef ég frá Ömmu minni.

2006-03-16T09:31:00.000Z

Þá hefur komið í ljós að ég er iðnaðarmaður mikill. Skreið fram úr í morgunn og leit með stolti á skrifstofuálmuna sem fékk seinni málningarumferð eftir körfuboltaæfinguna í gærkveldi. Þá er ég sem sagt búinn að sagast í gegnum vegg, veggir voru einangraðir, gifsplötu sniðnar til og festar upp, dregið á loft og sparstlað í kverkar og síðan málað yfir herlegheitin, tvær umferðir hvorki meira né minna. Í dag er síðan stefnt að gólflögn og síðan verða sett upp skrifborð og vinnuaðstaða (hönnuð af mér að sjálfsögðu).

Annars hefur Tumi Þumall verið óspar á að nýta sér þá vini sem ílengtust í iðnáminu.

Einn af þeim er smiður og kanndi hann mér réttu tökin á gipsinu. Hann er einn af Álfheimagenginu sem dyggir lesendur muna kannski eftir. Fyrir ykkur hin þá tengist Álfheimagengið draum sem mig dreymdi þegar ég var enn að hunkast við staurinn. Í honum var ég í sambandi við stjórnstöð Hreyfils sem bað okkur í Álfheimagenginu að passa upp á að íbúar við Andrésarbrunn og Katrínarlind þyrftu ekki að hafa áhyggjur af því að fá bíl.

En hvað um það. Á meðan mér voru sýnd handtökin við gipsið helltum við upp á vinskapinn með sögum og kaffi. Kom þá í ljós að hann er með fyrirtæki í maganum, þ.e. hann og hans bróðir eru að fara í smíðasamkrull. Helsta vandamálið væri nafn á fyrirtækið. Til þess að borga fyrir aðstoðina hellti ég mér í nýyrðasmíði fyrirtækislega séð. Nokkuð bar á hugmyndum sem byrja á "Allt þetta" eða "Gæða hitt". Reynslan sýnir hins vegar að slík nöfn eru yfirleitt nöfn á skítafyrirtækjum og fúskurum. Það voru þó nokkur nöfn sem okkur fannst koma til greina en að lokum stóðum við eftir með tvö nöfn sem þeir bræður velja um,

Jósep og sonur ehf
Jesú kvistur ehf

Ég mæli með hinu fyrra

Annað var það ekki.......

Af stækkun íbúðar....

2006-03-12T22:06:00.000Z

Þá er búið að setja upp einangra og setja upp veggi í nýju skrifstofuálmuna í íbúðinni. Bíð eftir að fá málarann til mín í spörstlun á gifsveggjum og hurðargati. Hann kemur annað kvöld.

Fór í leikhúsið og sá Naglann eftir Jón Gnarr. Fær 3* af 5* mögulegum.

Annað ekki í bili.....

Gat í gegn.....

2006-03-07T19:27:00.000Z

Þá er komið gat í veggin og steinsmugan farinn á brott. Þetta var allt saman mjög súrrealískt. Fyrst var Smugan með risastóra smugusög og síðan stuttu seinna sat hún við píanóið og hamraði blússlagara og dinnermúsík. En það er sem sagt komið gat og nú bý ég í 5 herbergja íbúð.

Annað var það ekki......

....og enn er beðið

2006-03-07T13:29:00.000Z

....og enn bíð ég eftir steinsmugunni. Eru tveir tímar í mat óðlilega langur tími?
Á meðan tek ég til í uppsöfnuðum linkum.

Fyrir Skottu

Brotbaksfjall á 30 sec

You Should Wear Nothing!
	NOTHING?!?!?! There are no limits or boundaries for you. No pants, no clothes, whatever. But, hey, if you're going to get arrested, this is definitely the way to go. Find out which No Pants Day outfit YOU should wear! No Pants Day is May 6th, 2005. To find out more about No Pants Day, visit www.NoPantsDay.com

Þeir eru komnir, jibíííí..........

Steinsmuga í húsi......

2006-03-07T11:50:00.000Z

Tók mér frí frá vinnu í dag vegna þess að von var á steinsmugu í húsið. Steinsmuga þessi hefur það að atvinnu að smjúga í gegnum steypta veggi og ætlunin er að opna 80 cm. hurðargat inn í geymsluna hjá okkur. Geymslan verður síðan notuð til skrifstofuathafna fyrst um sinn þó að Spúsa mín sjái fyrir sér þvottahús og búr í framtíðinni. Geri ráð fyrir að verðmat íbúðarinnar rjúki upp þar sem nú verður um 5 herbergja íbúð að ræða. Kosturinn er þó aðallega sá að við fáum vinnuaðstöðu fyrir okkur hjónin. Nú er sem sagt endanlega ákveðið að hér verðum við í framtíðinni og allar hugmyndir um flutninga hafa endanlega verið settar á hilluna.

Smugan kom um 10 leitið og eftir að hafa þegið kaffibolla (eina 3) hófst hann handa við undirbúning (plasta í kringum hillur og veggi sem ekki á að saga í) og síðan sagaði hann grunnan skurð þar sem væntanlegt gat á að vera. Og nú er hann farinn í mat og ég er kominn með pínulítinn hnút í magann og velti fyrir mér hvort ég sé nú loksins að fara að upplifa hryllingssögur sem maður hefur heyrt af iðnaðarmönnum í gegnum tíðina. Treysti mér sem sagt ekki til þess að vera með hálfsagað hurðargat í nokkrar vikur.

Annað var það ekki......

Leikarinn ég......

2006-03-06T17:41:00.000Z

Ég ætlaði alltaf að verða leikari en svo sá ég að það væri eitthvað sem myndi ekki henta mér. Ég hefði náttúrulega rúllað leiklistarskólanum upp, inntökuprófunum og allt. Það hefði eingöngu verið formsatriði. Tvær til þrjár bíómyndir áður en að útskrift kæmi. Eftir tveggja ára glæsilegan feril í Þjóleikhúsinu myndi leikflokkurinn minn, sjálfstæði, slá í gegn með framúrstefnulegt verk í útlöndum og í framhaldi af því yrði ég valin ein af skærustu stjörnunum á kvikmyndahátíð í Rúðuborg. Eftir það myndi leiðin liggja í kvikmyndir í útlöndum þar sem hver gegnrýnandinn á fætur öðrum myndi eigi halda vatni. Eins og þið sjáið er þetta töluvert og í raun alltof mikil vinna enda er ég ekki leikari í dag. Síðan hefði maður trúlega floppað á nokkrum myndum og endað sem aukaleikari í sápuóperu í USA. Nei takk það er ekki fyrir mig.

Arndís og Eiríkur eru nú hjón og óska ég þeim til hamingju.....

Annað var það ekki..........

.....annað var það ekki.

2006-03-03T15:26:00.000Z

Hverjir hafa svo saknað mín? Ég bara spyr. Búið að vera ótrúlega mikið í gangi hjá mér undanfarið og enginn tími til bloggunar. Ég var nefnilega settur í það að skipuleggja áshátíð bæjarins ásamt fleirum að sjálfsögðu og hefur það ásamt vinnu (tveir veikir) tekið upp mestanpart af mínum tíma sl. vikur.

Mér tókst þó að mæta á eina hljómsveitaræfingu hjá Stórsveitinni Ólafíu (áður Nonni overrated). Þrátt fyrir fámenni er mætti var magnaður upp söngvaseiður einn mikill er var svo magnaður að viðkomandi tónlistarmenn réðu sér vart fyrir hrolli. Sumar upplifanir eru þannig í lífinu að maður veit að líkur eru á að um einstakan atburð sé að ræða og verður að segja að þetta var einn af þeim. Vonandi (fyrir þá sem ekki mættu á æfingu) verðu þetta þó ekki einsdæmi.

Annað var það ekki........

Fjórar fræknar

2006-02-19T19:01:00.000Z

Og nú er bara koma með hugmyndir að nöfnum á systurnar fjórar.

Minni á að aðeins er einn dagur eftir í skilafrest í febrúarhluta Ljósmyndasamkeppninar.

Annað var það ekki.....

Viðburðarík helgi.....

2006-02-19T13:06:00.000Z

Viðburðarrík helgi verður að segjast. Þorrablót, Heiðar Ástvaldsson, tíkarfæðing o.fl. Spurning hins vegar á hverju á að byrja.

Fór á enn eitt þorrablótið í ár. Það þriðja í röðinni á þessu ári. Tók létt á súrmetinu en þess betur á fljótandi veigum í boði bæjarstjórans. Blótið fór að mestu vel fram og undu flestir vel við góða skemmtun. Eftir borðhald og fjöldasöng við undirleik tveggja gítara og nikku að þjóðlegum sið, tók við dansæfing fram eftir kveldi undir dyggri stjórn framámanns í danshreyfingunni, "Komum að dansa". Það verður þó að segjast að undirritaður hafði minni gleði af tónlistarvali framámannsins en tók þó steininn úr er hið fróma lag "Höfuð, herðar, hné og tær" tók að hljóma og hafði ég þá á orði að réttast væri að fara ljúka partýinu. Dansstjórnandinn má þói eiga það að honum tókst að koma bæjarstjóranum út á gólfið og var það sjón sem mun vart líða veislugestum úr minni. Höfðu menn á orði að sjaldan hefði annar eins dans verið stiginn er hann sveif yfir gólfið, líkt og léttstígur krónhjörtur í tilhulífi, við undirleik "Best of Costa del sól diskó 1975". En eins og áður sagði ber þó að hætta hátið þegar hæst stendur og var því slúttað með stæl og fólk hélt af stað heimleiðis. Á meðan verið var að hreinsa súrmetið upp af gólfum og borðum renndi ég hins vegar lögum að mínu vali á fóninn sem gerði það að verkum að tiltektin ílengdist um þó nokkurn tíma. Erfitt að skúra þegar skúringargengið er enn á dansgólfinu.
Ætlaði mér heim eftir þetta en þar sem Dagný nokkur danskennari vildi ólm hitta á mig og freistaði mín með samvistum við Heiðar nokkurn Ástvaldsson lét ég tilleiðast og skutlaðist við annan mann í miðbæinn.
Þar hittum við Dagnýju og danskennara þrjá og eyddum við næstu klukkutímum við heimsóknir á hina ýmsustu bari. Ekki svo sem mikið að segja frá (þrátt fyrir félagsskapinn (Heiðar er farinn að slappast), sénsinn minn á Café Cosy, rifrildið við kennara í Snælandsskóla um tölvukerfi Kópavogsbæjar svo ekki séð talað um að verða vitna að því þegar formaður samtakanna 78 var húðskammaður af sénsinum mínum eftir að sénsinn var búinn að bjarga honum frá óhressum götustrákum sem ætluðu að taka í rassgatið á honum) og þó að ég væri búinn að lofa Dagnýju að blogga um ævintýri næturinnar.

Þegar þynnkunni sleppti á laugardeginum tók Monzan okkar síðan til og gaut fjórum heilbrigðum hvolpum. Allt tíkur sýnist okkur en erfitt að sjá fyrr en hún leyfir okkur að skoða þá almennilega. Hún var óskaplega dugleg og er mjög passasöm. Pósta myndum af krílunum um leið og ég er búinn að hlaða batterí fyrir myndavélina.

Annað var það ekki í bili........

Af meðgöngu minni og hundsins......

2006-02-15T21:53:00.000Z

Jæja ekki er hann duglegur við bloggið þessa dagana enda búinn að vera ótrúlega þreyttur og latur undanfarna daga. Finnst dálítið eins og það megi ekki vera ólétt kvenkyn á heimilinu án þess að ég detti í samúðarmeðgöngu. Hef einhvern tíman sagt ykkur frá meðgöngu minnar og Spúsu hér um árið og nú er ástandið svipað. Monzan okkar er nefnilega á síðustu dögum meðgöngu og erórðin óskaplega þreytt og þrútinn. Ég líka. Hún er sem sagt kominn einn dag fram yfir og það má búast við hvolpum á heimilið á næstunni. Á meðan fara ungar íslenskar konur á aldrinum 15 - 19 ára u.þ.b. fjórum sinnum á viku í fóstureyðingu. En meira um það seinna.

Annað var það ekki.....

Sænsk popplög

2006-02-13T00:05:00.000Z

Eyddi deginum við þýðingar úr sænsku með Gweldu systir fyrir komandi brúðkaup í fjölskyldu Spúsu. Mæli með því að hafa sænsku útgáfuna undir meðan rennt er yfir textann.
Af þrá til þín.

Heilli eilífð ég varði án vitundar um þig
Þú varst þó lifandi í hverjum draumi, svo lifandi nærri.
Stundum hélt ég að hefði þig fundið fyrir mig
en í hvert sinn höfðu mínir draumar fallið um sjálfa sig.

Og fjölda faðma ég kvaddi af þránni til þín
því ég vissi af þér og að þú biðir mín.
Já, marga dagana lúin ég leitandi rann
og að lokum ég fegurstu sálina fann.

Það var einfalt og fagurt, þú hafðir beðið eftir mér.
Ég gat fundið fyrir himnaríki á jörðu, ég sá það.
Og þú baðst mig að lifa æ lífinu nærri þér.
Ég fylgdi þér og allar óskir mínar þar rættust af sjálfu sér.

Og fjölda faðma ég kvaddi af þránni til þín
því ég vissi af þér og að þú biðir mín.
Já, marga dagana lúin ég leitandi rann
og að lokum ég fegurstu sálina fann

Enginn hefur mitt hjarta fyrr fangað á slíkan hátt.
Undan blíðu þinni sorg og sársauki smám saman hverfa.
Allir skuggarnir dreifast, nú hverfur hin myrka nátt
og með sólarupprásinni stígum og lítum í ljóssins átt.

Og fjölda faðma ég kvaddi af þránni til þín
því ég vissi af þér og að þú biðir mín.
Já, marga dagana lúin ég leitandi rann
og að lokum ég fegurstu sálina fann

Og fjölda faðma ég kvaddi af þránni til þín
því ég vissi af þér og að þú biðir mín.
Já, marga dagana lúin ég leitandi rann
og að lokum ég fegurstu sálina fann

Má bjóða yður linka?

2006-02-09T11:40:00.000Z

4. skúffu verkfæri

Tómatar Djöfulsins

Eitthvað fyrir Faith

Hér má kaupa boli

Annað var það ekki.....

Til hamingju Ísland.....

2006-02-05T13:25:00.000Z

Þá er Silvía Nótt kominn fyrsta skrefið í áttina að sigri Íslands í Evróvision þrátt fyrir að hafa svindlað. Ég er eindreginn stuðningsmaður þess að farið sé að reglum þegar kemur að keppnum hverskonar (þess vegna kaus ég bara einu sinni í ljósmyndasamkeppninni) og hefði fundist eðlilegt að Silvíu og Þorvaldi væri vísað úr keppni. En þar sem Palli Magg teigði til reglurnar þá eigum við að taka hann á orðinu og senda vitleisinginn Silvíu og gefa skít í þessa keppni. Hún er hvort sem er orðin austantjaldsvitleisa af hæðstu sort.

Annars sýnist mér að það hafi einungis verið þessi 24 lög sem valin voru í undan-undankeppnina, sem send hafi verið inn þar sem mikill meirihluti þeirra er þvílíkt drasl að ég hef ekki heyrt annað eins. Ég er ákveðinn í að senda inn í næstu keppni slatta af lögum þar sem höfundar fá talsverðan pening til að fullklára lagið fyrir sýningu. Hef þau síðan öll í kassagítarútgáfu að hætti Trelle félaga míns og kem til með að vera sigurstranglegur með afbrigðum.

g e
Gítarinn minn
c f
hann er minn en ekki þinn
g e
Já gítarinn minn
a g
verður ávallt minn

Viðlag:
c g
Já já já Gítarinn minn
c d c g a
Gítarinn minn, gítarinn minn, gítarinn minn.
c
Já já já Gítarinn minn
g c a
Gítarinn minn, gítarinn minn, gítarinn minn.

Viðlagið má síðan hækka upp í klassískum Eurovision anda og endurtaka eftir þörfum.
Annað var það ekki........

Af mér.......

2006-02-04T11:41:00.000Z

Get ekki skrifað þessa dagana er upptekinn í að melta Evrópumótið í handbolta.

Sigríður á Barmi fór í leikhús.

2006-01-30T09:01:00.000Z

Helgin liðin og leið hún við leti og afslappelsi. Allveg búinn að sjá að eina leiðin til þess að eyða helgum er við rúmstokkinn, með fullt af bókum og hæfilegan skammt af íþróttaleikjum í sjónvarpinu. Tók mig þó til og þreif dálítið fyrir Spúsu í gær.

Túskildingurinn var góð skemmtun í alla staði. Byrjuðum í Kjallaranum í mat sem var ótrúlega góður og þjónustan var til fyrirmyndar. Reyndar er búið að banna reykingar í húsinu sem þýðir að þetta var trúlegast í síðasta skiptið sem ég kem í Þjóðleikhúskjallarann. Sýningin var mögnuð. Hver leikarinn öðrum betri þó að stjarna sýningarinnar sé óumdeilanlega Lavi Egilsson. Fór hann hamförum sem Makki hnífur bæði lárétt og lóðrétt. Enduðum síðan kvöldið með góðu leikhússpjalli yfir ostum og ónýtum bjór hjá Sigríði á Barmi.

Nú er aðeins einn dagur eftir í kosningu janúarmyndar í ljósmyndasamkeppninni. Þrátt fyrir þó nokkra yfirburði framan af hefur Lavi mist öruggt forskot með lélegum leikkafla niður í jafntefli við Gweldu eins og staðan er núna. Hvet ykkur til að kjósa....

Annað var það ekki í bili.......................

Matur, menning og sitthvað annað skemmtilegt.

2006-01-27T11:38:00.000Z

Einu sinn var gömul kona í lest á leið heim til sín. Ekki að það sé í frásögur færandi en það sem gerði þessa gömlu konu þess virði að færa má sögur af henni í letur er að hún hafði anlitslýti sem maður sér nú ekki á hverjum degi. Og ef anlitslýti er ekki tilefni sögusagnar þá veit ég ekki hvenær er tilefni til sögusagna.

En hvað um það.

Dóttir mín lagði af stað í bítið til Akureyrar í keppnisferðalag. Ekki laust við að gamlar minningar um rútuferðir og flug í íslenskri vetrarfærð komi upp í hugann. Tútturnar, en það er félagsskapur kvenna í kringum mig, hafa haft miklar áhyggjur af ferðalögum sem þessum og sérstaklega þegar snjó kyngdi niður fyrir nokkrum vikum. Ég hef hins vegar sagt að þegar maður búi á Íslandi þá sé nauðsinlegt að búast við því að sitja í snjóskafli jöfnum höndum um æfina. Það herði mann og geri að íslending.
Hætti reyndar við sjálfur að fara norður þar sem ég nennti nú eiginlega ekki að keyra í vetrarfærð til Akureyrar. Var ekki fyrr búinn að tilkynna dóttur minni að ég myndi ekki koma með en það skall á með vori.

Spúsa er búin að panta steinsmugu til þess að koma og búa til gat í vegg einn í eldhúsi voru. Verð að segja að ég er frekar glaður þegar Spúsa mín tekur svona af skarið enda tel ég að þetta séu endanleg endalok hugmynda hennar varðandi flutning í önnur sveitarfélög. Ætlum sem sagt að opna inn í geymsluna og útbúa þar skrifstofu aðstöðu og afþreyingarherbergi fyrir húsbóndann og jú Spúsan fær líka þar inni. Er mikið að hugsa til þess að framlengja eldhúsinnréttinguna og láta einhverskonar opnanlegan skáp loka innganginum í herbergið. Finnst kúl að vera með falið rými í íbúðinni.

Ferðin í leikhúsið um daginn kveikti á löngu gleymdum áhuga ( eða í það minnsta lömuðum) fyrir leikhúsi. Ég og Spúsa höfum nú troðið okkur inn í leikhúshóp Dísu mákku og er fyrsta leikhúsheimsóknin í kveld. Ætlum að sjá Túskildingsóperuna í Þjóðleikhúsinu.
Byrjum á mat í Kjallaranum og síðan upp í menninguna.

Minni á að nú líður(greyið) að lokum kosningar á mynd janúarmánaðar. Þegar þetta er skrifað hefur mynd Lava Hammers ótvíræða forystu með 40% atkvæða og get ég svarið að ég hef einungis kosið einu sinni.

Annað var það ekki........

Komið þið sæl.....

2006-01-23T17:24:00.000Z

Ég hef alla tíð verið frekar hræddur við tannlækna. Innst í huga mér hljómar alltaf "Nú auðvitað er þetta sárt, þetta er antík" þegar kemur að því að fara til tannlæknis. Það hefur því oft verið svo að förinni er frestað sem aftur leiðir til þess að ég hef komið mér upp mikilli þekkingu verkja í munnholi. Ég ákvað hins vegar að taka mér taki þegar ég frétti af því að fyrrum skólafélagi minn tæki til í tanngörðum samferðamanna sinna. Og nú er ég búinn að setja upp plan til úrbóta og mun hitta tannlækninn jöfnum höndum á næstu mánuðum. Fór í fyrsta skiptið í dag og fékk yfirferð í hreinsun tannsteins meðan hann tók stöðu mála í holum. Það skemmtilega við þetta allt saman er að verðið fyrir þessa þjónustu er mun viðráðanlegra en hjá þeim sem áður hefur komið við í munni mínum.

Annað var það ekki......

LJósmyndasamkeppni Lava

2006-01-21T11:37:00.000Z

Þá er skilafrestur vegna Ljósmyndasamkeppni Lava í Janúar runninn út og innsendar myndir til sýnis á síðu keppninar.

1. dagur til stefnu.....

2006-01-19T09:49:00.000Z

Og nú liggur maður heima í bæli.

Hefði jöfnum höndum ekki setið við vördinn og bloggað nema kannski út af hissun minni í garð fjölskyldu og vina sem sýna ekki svo mikið sem flís af áhuga fyrir skemmtunum sem boðið er uppá. Þar á ég að sjálfsögðu við hina ansi skemmtilegu Ljósmyndasamkeppni sem ég átti allt eins von á að yrði skemmtileg tilbreyting í grámyglu hversdagsleikans. Verandi í fjölskyldu sem í gegnum tíðina hefur státað sig af því að hafa óvenju gott auga fyrir ljósmyndun þá verð ég að segja að viðtökur og þáttaka hefur ollið vonbrigðum. Nú þegar aðeins einn dagur er eftir af fyrsta skilafrest hefur aðeins ein mynd borist í keppnina og það er mín mynd. Það eru engin aldurstakmörk og skemmtilegt að leyfa yngri kynslóðinni að taka þátt.

(Bætt inn seinna)
Var ekki fyrr búin að setja umkvartanir mínar hér inn en fyrstu myndir bárust mér. Alltaf gott að ath. í pósthólfið áður en farið er að rífa kjaft. En betur má ef duga skal svo upp upp mín þjóð og drífa sig í að senda inn myndir.

Og þá eru tveir dagar eftir.

2006-01-18T12:23:00.000Z

Enn á ný minni ég á ljósmyndakeppnina. Nú eru aðeins 2 dagar eftir í skilafrest og miðað við innsendar myndir þá má gera ráð fyrir að þetta verði sigurmyndin fyrir janúarmánuð. Þið munið að þemað er vetur og myndina má senda á steinrikur@simnet.is

Menningarveislan

2006-01-16T11:34:00.000Z

Nohh, þá er kominn mánudagur enn á ný. Eftir að hafa legið yfir bók fram undir morgunn lá ég andvaka og datt niður í hugsanir um að nú væri maður trúlegast c.a. hálfnaður með lífsgönguna. Varð frekar "díprest". Veit ekki hvað það var sem tryggaði þessar hugsanir og þó hún Svava vinkona leit við í kaffi í gærkvöldi og sagðist verða 42. á miðvikudaginn og síðan áttaði ég mig á því að 16. janúar hefur skotið upp kollinum og það þrátt fyrir að jólin hafi verið í gær. Þetta jafnaði sig fljótlega þar sem ég er ekki of vanstilltur maður að eðlisfari og held ég að ég hafi sofnað eftir c.a. 2 andvöku mínútur.

Annars er helgin búin að vera viðburðarrík.
Fór með Spúsum, Dísusystrunum hennar og Eiríki í leikhúsið á föstudagsköldið. Sáum nýtt leikrit, "Glæpur gegn diskóinu", eftir ungt veilskt skáld að nafni Gary Owen. Ég var svo heppinn að Eiríkur kom að vinnslu sýningarinnar og bauð hann mér og Spúsu. Verkið er frábært. Hádrama þar sem tekið er á málefnum sem allir kannast við á einhvern hátt. Að minnsta kosti höfðu allir einhverja skoðanir og sögur í frumsýningarpartýinu sem okkur var síðan boðið í. Vill benda þeim konum sem ég þekki er vinna við borgarleikhúsið að, þrátt fyrir að ég hafi kvartað jöfnum höndum yfir því að þær skuli ekki muna eftir mér, littla bróður þeirra, þegar kemur að því að bjóða í leikhúsið þá hafi ég mikklu meiri áhuga en t.d. Gwelda. Það er sem sagt karmenn 1998 útskriftarárgangs leiklistarskólans sem standa að sýningunni og eru þeir hver öðrum betri í verkum sínum. Fullt hús hjá Steypibaðsfélaginu Stút segi ég nú bara eins og gagnrýnandi Lesbókarinnar.
Á laugardaginn var síðan haldin heljarins veisla hjá Gweldu í tilefni af fimmtugsafmæli og komu Önnu frænku frá Amríku. Gwelda er góð heim að sækja eins og við Frussungar þekkjum og býður einatt uppá gæðameðlæti. Að þessu sinni lagði ég þó til glás. Ásamt foreldrum mínum gerðum við hlé á veisluhöldum um 19:30 og héldum til Kópavogs þar sem árlegir Nýárstónleikar Salarins voru haldnir. Það er kemmst frá því að segjast að tónleikarnir voru einstaklega vel heppnaðir og mamma grét. Sem og karl faðir minn sem sat seinna um kvöldið dasaður og yfir sig hrærður. Fyrir þá sem misstu af þessu má benda á þetta.

Sunnudagur leið síðan við létta endurkomu í Leifsgötunni í meðlætisafgöngum og glás. Þegar heim var komið lagði ég mig sem aftur á móti þýddi að ég kláraði bókina sem ég talaði um í byrjun.

Fyrir linka þyrsta bendi ég á:
Þennann
þennann
og þennann.

Minni á að nú eru aðeins eftir 4 dagar þangað til skilafrestur vegna ljósmyndasamkeppninar rennur út.
Þemað er vetur og myndina má senda á steinrikur@simnet.is
Annað var það ekki í bili.

Þegar laufin sofa........

2006-01-12T22:54:00.000Z

Hef tekið eftir því undanfarna daga að það er mjög vinsælt að setja saman lista yfir þetta og hitt. Bestu bækurnar, bestu plöturnar, bestu bíómyndirnar, bestu atburðir o.s.fr. Ég er að velta því fyrir mér að setja saman einhverskonar lista og hvet lesendur mína til þess að koma með hugmyndir af listum sem gaman væri að fá Steinríkinn til að hafa skoðun á.

Sat við eldhúsborðið í kvöld og heyrði óminn af sjónvarpinu. Það var sem sagt verið að tala við Gabríelu nokkra sem sjálfskipaðir menningarvitar og snobbhanar hafa sett á stóran stall. Hún gekk í gegnum verk sitt með Þorsteini J og lýsti því sem fyrir bar og hvað lá á baki þegar listsköpunin varð að veruleika. Eftir ótrúlegan fjölda af "Meðan laufin sofa....." gat ´´eg ekki orða bundist. " Þetta er nú ljóta djöfuls kjaftæðið". Ég veit ekki hvaða verk þetta var og miðað við vídeóverkið sem hún sýndi á listahátíðinni sl. sumar í samvinnu við manninn sem nuddaði tippinu á sér við drifskaft, þá held ég bara að ég vilji ekki vita það. En sem sagt mér finnst Gabríella vera týpiskt dæmi um íslenska lágmenningu. Listamaður sem er hæpaður upp af fjölmiðlum og nýríkum íslendingum er ekki túkallsins virði.

Og þá fæ ég hugmynd lista.
5 ofmetnustu listamenn íslendinga

1. Gabríella Friðriksdóttir (Það er ekki list að maka sig með blóði úr dauðri kind).
2. Stefán Máni (maður verður ekki rithöfundur þó að það standi í símaskránni).
3. Garðar Thor Cortes (Álíka kreistinn rödd og vel notuð tannkremstúpa. Platan hans var valin plata ársins á Bylgjunni, common)
4. Daníel Ágúst
5.

Listinn verður kláraður fyrr en seinna.

Undur og stórmerki gerast enn. Ég var að borða kotasælu og fannst hún bara þokkaleg undir tönn.

Annað var það ekki.........

Nýtt ár......í bútum.

2006-01-03T13:05:00.000Z

03.01.2006
Ja, ekki byrjar það vel.
Ákveðnum til- og fyrirgreiðslum varðandi mig hefur verið slegið á frest af vinnuveitendum mínum þangað til að Gilitrutt vinur Gweldu kemur úr fríi. Það er víst ekki hægt að taka sjálfstæðar ákvarðanir nem Gilitrutt gefi grænt ljós. Ástandið er orðið slíkt að yfirmaður minn er að gefast upp. Er farinn að leita sér að nýrri vinnu og ætlar að segja upp. Og hvað gerir maður þá? Ég er ekki viss um að ég sé tilbúinn til þess að taka upp þráðinn á ný með nýjum manni. Hver veit nema að maður fari að hugsa sér til hreyfings líka. En maður gerir þó ekkert að óhugsuðu máli.

Ég missti tönn um jólin og burðast nú með gat í munni sem minnir á almannaskarð á góðum degi. Skarðið orðið uppfullt af allskyns góðgæti svo sem Kalkún, hamborgarhrygg, nautakjöti og meðlæti. Þótt gott sé að geta nartað í afganga milli mála er ég nú samt að spá í að panta tíma hjá tannsa sem fyrst. En maður gerir þó ekkert að óhugsuðu máli

06.01.2006
Annars hef ég verið að finna fyrir mikilli þörf hjá mér nú á nýju ári til framkvæmda. Við höfum endanlega gefið flutninga upp á bátinn þrátt fyrir skrautlegar uppákomur á efri hæðinni. Eins og áður hefur verið póstað þá tók fyllibyttan á efri hæðinni sig upp og flúði til Amríku. Sprautufíkillinn Rónabróðir fór hins vegar að venja komur sínar í íbúðina ásamt félögum. Það þótti því vera ástæða til gleði þegar fréttist af tilvonandi sölu íbúðarinnar. "Bara dagaspursmál hvenær skrifað verður undir" sagði frændinn sem sá um sölu íbúðarinnar, "já, og hún á að standa tóm og enginn að vera þar þangað til nýjir íbúar flytja inn". Urðum við því hissa einn morguninn þegar hljóð berast af efri hæðinni og eftir að hafa fengið staðfestingu frá frændanum seinna um daginn að enginn ætti að vera þar hringdum við í lögregluna og tilkynntum um umgang. Þegar við komum heim úr vinnu þann daginn var allt með kyrrum kjörum en rétt fyrir miðnætti hringir bjallan og stendur þar bróðirinn ásamt tveimur frekar skuggalegum mönnum. "Gúlp" hugsaði ég. "Ég frétti að það hefðuð verið þið sem hringduð og kvörtuðuð í lögregluna". "Gúlp, gúlp" hugsaði ég í þetta skiptið. "Ég vildi bara koma og biðjast afsökunar á framferði mínu í dag" sagði hann um leið og félagarnir tveir lögðu af stað upp á efri hæðina. "Ég var bara svo sár yfir því að allt skyldi fyllast hér af löggum þrátt fyrir að ég væri hér í fullum rétti. Ég bara missti mig allveg. Frændinn hefur ekkert leyfi til þess að selja þessa íbúð og systir mín er búin að gefa mér þessa hluti sem eru þar". Um leið og hann sleppti þessum orðum heyrði ég félaga hans brjóta upp glugga með snöggum hvelli. Datt ekki í hug að reyna standa í vegi fyrir félögunum og afsakaði mig á því að ég hefði einungis verið að hugsa um systur hans og hann sjálfan en þar sem hann væri greinilega í fullum rétti þá þyrfti hann ekki að hafa áhyggjur af því að ég skipti mér að þessu í framtíðinni. Enda stóð það á endum á innan við 10 mínútum var búið að bera út í sendiferðabíl ískáp, eldavél, sjónvarp tölvu og allt fullt af öðrum hlutum sem greinilega er hægt að koma í verð. Og síðan voru þeir farnir. Nokkrum dögum seinna hitti ég frændann sem var mættur á staðinn, greinilega enn að selja íbúðina og lét ég hann vita af því að hann væri í órétti og bróðirinn væri sá sem hefði völdin. Svo hlóum við og hann sagðist skilja mig en eins og áður hefði verið rætt þá ætti þessi íbúð að vera mannlaus og síðan festu þeir gluggan enn á ný. 10. mínútum eftir að frændinn fór rak ég augun í bróðirinn sem var á leið inn um gluggan klifjaður innkaupapokum úr Bónus eins og ekkert væri eðlilegra. Hústökubróðirinn hefur síðan alið manninn á efri hæðinni síðan þá ýmist með sprautuvinunum eða börnunum sínum (sem komu og gistu hjá honum a.m.k. 2 daga yfir jólin. Börnin voru reyndar að mestu ein þar sem hann var staddur, að þeirra sögn þegar ég kom upp til þess að kanna hávaða kl. 1:30, í næstu blokk í heimsókn. Þá var mér nóg boðið. sagði krökkunum c.a fjögurra, sex og átta ára, að hætta þessum látum og koma sér í rúmið. Ákveðinn í að gera lögreglu og barnaverndayfirvöldum viðvart daginn eftir til þess að hræða ekki krakkana með lögreglu um miðja nótt(ég veit auðvitað átti ég að hringja strax). Daginn eftir var hustökuliðið hins vegar á bak og braut og daginn þar á eftir voru mætti menn sem hreinsuðu restina af eigum og drasli út úr íbúðinni. Okkur til mikilliar gleði fóru að berast annarskonar læti að ofan nú í morgunn. Nýjir eigendur eru byrjaðir að gera upp íbúðina og fytja vonandi inn sem fyrst. Í gleði minni var ég næstum hlaupinn upp með nýbökuð rúnstykki til þess að bjóða þau velkomin en hélt aftur af mér og ákvað frekar að skora stig hjá Spúsu og vakti hana með morgunmat í rúmið. Maður gerir jú ekkert að óhugsuðu máli.

Eins og glöggir lesendur hafa tekið eftir þá hefur Steinríkurinn nú breytt útliti síðunnar. Vonast ég til að breyting þessi muni bæði gleðja lesendur og verða þeim til eggjunar í daglegu amstri.

Annað var það ekki..........

2006

2006-01-02T16:22:00.000Z

"Gleðilegt ár og takk fyrir það gamla" æpti spúsa á mig í gegnum sprengingarnar. "Ha!, já einmitt, takk sömuleiðis" sagði ég og smellti á hana einum snöggum en stökk síðan af stað til þess að halda áfram að sprengja. Ég er nefnilega dálítið mikið fyrir sprengjur skal ég segja ykkur. Sá áhugi hefur reyndar minnkað sl. ár vegna anna um áramót. Hönk við staurinn undanfarin 4 áramót en ekki núna. Nei eins og þið vitið þá ég er nefnilega hættur að hönkast, að eilífu, Amen. En ég var semsagt í fríi og var ákveðinn í að endurnýja kynni mín við sprengjur. Við áttum enn allar stóru bomburnar frá því í fyrra og ég ákvað að bæta við einni góðri tertu sem ég gat fengið á góðum prís. Þegar hún var sótt var mér hinsvegar tilkynnt að hún væri í boði ákveðins fyrirtækis sem ég hef ljáð hendi á sl. ári og var því sprengt fyrir samtals 0 kr. um þessi áramót. En fínt var það fírverkið skal ég segja ykkur.

Og síðan var skálað og sungið fram undir morgunn. Nýja árið sem sagt byrjaði með miklu blasti á allan mögulegan máta. Við skulum bara vona að það boði gott.

Meira seinna.....

Linkur

2005-12-28T11:35:00.000Z

Ethan safnar teiknimyndasögum

2005-12-23T08:20:00.000Z

Jólakveðja

2005-12-22T20:09:00.000Z

Úps....

2005-12-22T18:12:00.000Z

Skottan spurði mig með vonbrigðatón í commentinu hvort ekki myndu berast fleiri póstar á árinu. Ég get því glatt ykkur með því að það verður að sjálfsögðu bloggað fram að og yfir jól og áramót. Þessi mynd sem sagt átti að vera draft. Ég hef því búið til aðra kveðju og er hún hér.

2005-12-22T09:25:00.000Z

Hún á afmæli í dag, huna á afmæli í dag, hún á afmælún Anna........ Hún á afmæli í dag.

2005-12-19T20:50:00.000Z

Í dag á heimasætan á heimilinu 13. ára afmæli.
Hún er nú official unglingur.

Þetta var efst á óskalistanum hjá minni fyrir þessi jól. Fyrir 10 árum var sami hlutur á óskalistanum en....

......þá varð hún að láta sér nægja Brendu sem í nægjusemi var umsvifalaust skírð Brenda Pocahontas.

Þetta er hins vegar Joyce, the spunky tenager in 1961

I'm back.......

2005-12-17T11:48:00.000Z

Það tilkynnist hér með að lokahönd hefur nú verið lögð á Ingersoll og geta aðdáendur fjölskyldunnar glaðst yfir því að á næstu dögum mun glaðningur detta inn um letterslúgur þeirra. Aðdáendur mínir geta hins vegar kiprað munnvikin því nú ætti að gefast tími til bloggunar og austurs úr viskubrunni mínum ykkur til handa.

Lét plata mig í hönk staurinn nú í desember og var illilega áminntur á hvers vegna ég hef ekki hönkast við staurinn síðan í sumar. Áttaði mig á því í fyrsta túr að mér finnst þessi starfsvettvangur bæði óspennandi og kannski ekki sá sniðugasti fyrir mann sem er að skila í kringum 65-70 tímum í annari vinnu. Svo eru fyllibyttur líka leiðinlegar með víni. Í gærkveldi tók síðan steininn úr þegar helltist í nef mitt og háls pestargemlingur sem varð þess valdandi að ég lagði upp laupana rétt fyrir 4 og fór heim í rúmið mitt. Ég hef sem sagt lokið enn einum kafla í lífi mínu. Héðan í frá mun ég ekki keyra leigubíl aftur á minni stuttu ævi. Þótti líka við hæfi að mínir síðustu farþegar voru stútungs kerlingar á áttræðisaldri sem voru á heimleið úr jólaveislu í Garðabænum. Komst að því á leiðinni að þær hétu ekki minni nöfnum en Anna, Inga og Kata. Tók þessu sem vísbendingu frá æðri máttarvöldum og ákvað að ferli mínum sem Taxicab hunk's sé lokið.

Í haust var rafmagnsbassi efstur á óskalistanum mínum fyrir þessi jól. Hef ég unnið að því hörðum höndum að ósk mín myndi rætast og hafði atti vinum og vandamönnum saman í að slá jafnvel saman í einn slíkan grip. Ég er hins vegar hættur við. Á nefnilega hauk í horni sem ekki bara er haukur mikill heldur fyrirtaks rafmagnsbassaviðgeðrarmógull. Gerði sér lítið fyrir og gerði við minn gamla og lúna bassa og hefur hann sjaldan eða aldrei verið eins mikið í lagi. Ég hef því ekki þörf á slíkum grip og hef ákveðið að fá golfferðalag til Spánar í staðinn.

Á rafmagnsbassann spilaði ég sem sagt á fyrstu uppákomu "Nonna overraited". Nonni overraited er sannkölluð súpergrúppa þar sem eftirlifandi meðlimir “Lummubandsins Þorsteins” hafa fengið til sín nýja og ferska meðlimi. Eins og í öllum almennilegum súpergrúppum hafa menn fengið sérstök hljómsveitarnöfn sem gefin voru í samræmi við karakter hvers og eins. Fyrstan tel ég sjálfan mig, Silvester. Ég leik að sjálfsögðu á bassann, syng og sé um hljómsveitarstjórn. Silvester nafnið kemur frá dönskum hljómsveitarstjóra sem oft fékk spiluð lög sín í lögunum við vinnunna í gamla daga. Þótti Silvester þessi skeleggur í hljómsveitarstjórn sinni og hafði járnaga á sínum mönnum. Eins þykir nafnið henta vel þar sem bakrödd bandsins og slagverksleikarinn ber hið smávaxna nafn, Twety.
Twety var ráðinn til þess að sjá um slagverk í bandinu en sökum þó nokkrar vöntunar á takti hefur hlutverk hans nokkuð snúist í átt til söngsins. Hann hefur yfir að ráða fallegri drengja rödd sem myndi sóma sér í hvaða drengjakór sem væri ef ekki væri fyrir meðfædda feimni og hæversku. Hljómsveitarstjórinn hefur þó náð að berja þetta nokkuð úr honum og er nú svo komið að honum hefur jafnvel verið treyst fyrir að leiða söng í einu og einu lagi. Hann verður þó aldrei annað en bakrödd í þessu bandi þar sem allir vita náttúrulega, að ég er lead.
Foxy Thunderburg er hryngítarsleikari bandsins. Foxy er einn af unglingunum í bandinu en hefur þó yfir sér grásprengt yfirbragð sem einmitt hefur áunnið honum nafngiftina. Eins hefur heyrst að kvenkyns aðdáendum bandsins finnist hann frekar foxy. Það þótti líka geðhúkrunarfræðingnum skelegga sem Foxy leggur lag sitt við og meðlimir sveitarinnar hafa sett fram grunsemdir í þá veru að hún nýti sér menntun sína þegar kemur að stjórnun heimilis og fjölskyldu. Hljómsveitarstjórinn vill þó meina að svo sé ekki þar sem hann þekkir til lagskonu Foxy og það af öðru en slíku. Á sama máta og Twety hefur Foxy íðilfagra drengjarödd sem oft fær að njóta sín í bakröddum en hann verður þó aldrei annað en bakrödd þar sem allir vita að ég er lead.

Smári tekur sóló. Grunur leikur á að nafngiftin hafi orðið til hjá foreldrum hans á fyrsta skeiði drengsins. Hann er fullkomnunarsinni mikill og hefur náð slíkri leikni í glímu sinni við tónlistargyðjuna að unun er að hlýða á á stundum. Það er þó helst þegar kemur að því að brjótast út úr viðjum lags í sólóum. Smári hefur tileinkað sér hæfileikann til þess að hækka styrkinn á hljóðfærinu þegar kemur að slíkum stundum. Illa gekk að fá han til þess að lækka í græjunni þegar sólóinu lýkur en hann er að læra það smá saman end er ég lead en ekki hann eins og allir vita.

Húðirnar lemur Þórður nokkur Clausen. Ekki hefur enn tekist að festa almennilegt hljómsveitarnafn á manninn þar sem nafngiftir þessar eru gefnar eftir karakter hvers og eins og þar sem Þórði var gefið margvísleg karakter einkenni í vöggugjafir hefur ekkert nafn náð að festast við hann. Hann er fyrrverandi meðlimur “Plöntunnar” sem gerði það gott hér á árum áður og þótti líkleg til meikunar í hinum stóra heimi. Hann er listamaður af guðs náð bæði með kjuðann og ekki síður með pensilinn, en eftir hann hanga þónokkur verk. Þórður hefur komið sér upp hýbýlum á fyrrum landi Frussunar á Vatnsenda og leggur bandinu til æfingaaðstöðu þar. Þar sem Þórður þekkir hvernig málin ganga fyrir sig í bransanum veit hann eins og allir aðrir að ég er lead.
En við sem sagt spiluðum fyrsta giggið núna í byrjun desember og þótti takast vel til. Margt má betur fara en það er ekkert sem ekki er hægt að laga með röggsamri hljómsveitarstjórn og góðu lead-i.

Ég hef ekki verið til stórræðanna þegar kemur að því að sinna konunglegum skyldum mínum en þó hafa nokkrir orðið á vegi mínum.

Þessi hér er skemmtilegur fyrir klamedíusjúklinga.
Og þessi er sniðugur í einfaldleika sínum.
Og ef þessi á ekki heima hér
Og þessi líka.

Annað var það ekki ......................

Á meðan þið bíðið.

2005-12-10T14:23:00.000Z

Geri fastlega ráð fyrir að lesendur mínir séu hætti að venja komur sínar hingað. Fjölskyldan frá Kanada hefur sem sagt átt allan minn frítíma hingað til en nú sér fyrir endann á því. Geri ráð fyrir að reglulegir póstar fari að berast hingað inn undir næstu helgi.

Á meðan eru hér nokkrir linkar ykkur til heilla.....
..og nú þarf maður ekki að fara niður á Hlemm lengur....

....feik or fótó.....

.....það má dunda sér við þetta.

Annað var það ekki....

Ég þjáist ekki af bloggleti heldur upptekni....

2005-11-30T13:49:00.000Z

Enn á fjölskyldan í Canada allann minn tíma.
Mikið verk alltso þar á ferðinni.

Hugleiðingar yfir DV.

2005-11-26T12:54:00.000Z

Ofboðslega er ég feginn að vera ekki Ellý Ármanns. Hef ekki það sem til þarf í það. Nei, ekki nógu væminn.

Konan mín þurrkar af og bónar gólf. Ég skúraði í gær og þreif klósettið.

.... en mig langar ekki í skemmtigarðinn Autozdat í Þýskalandi.

annað var það ekki.......

Tónleikar

2005-11-25T10:43:00.000Z

Burt með fótinn.....

2005-11-23T09:01:00.000Z

Það tók nú ekki langann tíma að klikka á daglegu fréttunum. Hef reyndar afsökun þar sem ég hef nú lagt krafta mína í Hringson fjölskylduna alræmdu, sem sum ykkar þekkja en aðrir ekki. Ég hef nú verið skammaður í tvígang fyrir myndina af þvagsýrugigtarfótnum og mun ég því hér með gera mitt besta í að blogga hann burt. Það má ýmist gera með öðrum myndum eða fréttum af sjálfum sér. Mun ég gera bæði.

Þetta er mynd af KFC kjúkling.

Það er lítið að segja frá þessa dagana. Og þó....

Ólátabelgurinn á efri hæðinni tók sig til fyrir nokkrum vikum og skellti sér til Ameríku. Þar á hún móður og hefur nokkrum sinnum skroppið til hennar í hvíld þegar mennirnir í lífi hennar hafa reynst óþægir ljáir og minni hennar nær ekki lengur til alskáðs tíma. Síðan hún fór hefur íbúðin hennar hins vegar verið notuð af bróður hennar. Hann er þessi týpa sem jöfnum höndum býr á götunni og hafa nokkrir góðkunningjar lögreglunnar oftast notið gestrisni hans. Lögreglan hefur heimsótt vinina reglulega og hefur þá oft verið glatt á hjalla, þó að oft sjóði nú upp úr eins og hjá flestum góðkunningjum.
Það var því með mikilli gleði sem Spúsa hringdi í mig og benti mér á þennan link. Ólatabelgurinn hefur sem sagt ákveðið að ílengjast í Ameríkunni hjá mömmu og nú skal selja undan sér á Íslandi.
"Húgra, húgra, húgra" æpti ég í símann.

Íbúðin er nánast á gjafverði og gerum við ráð fyrir að hún seljist á örskotsstundu. Við erum þegar búin að að benda nokkrum á þennan álitlega kost og vonumst til að nýjir grannar flytji inn sem fyrst. Þeir geta allavega ekki orðið verri en þeir sem fóru, svo mikið er víst.
Fyrir ykkur sem lesið mig í útlöndum bendi ég á þessa íbúð sem afargóðan kost bæði fyrir þá sem heimsækja landið reglulega og eins þá sem hafa hugsað sér að flytja heim á næstunni. Spáið í það, það væri t.d. hægt að hugsa um þetta sem íbúð sem kemur með húsverði sem passar upp á hana þegar hún stendur tóm og býður eftir að eigendurnir komi í heimsókn til landsins.

Nú þar sem ég hef ekki í langan tíma linkað lesendum mínum geri ég hér með bragabót á því:

Fyrir áhuga fólk um Amerískt þjóðlíf
...og þessi frétt fangaði auga mitt
Þetta er Franz
Þeir sem ekki áttuðu sig hvaðan broskarlagörnin kom þá fæst hún hér ásamt mörgu öðru skemmtilegu.
og síðast en ekki síst þessi

Af líkamlegri ólukku og öðru.

2005-11-18T10:58:00.000Z

Stundum er það svo að einstaka hlutir og atburðir verða á vegi manns nokkrum sinnum á lífsleiðinni. Það átti einmitt við í morgun. Þegar ég vaknaði kom nefnilega í ljós enn á ný að ég var búinn að pissa yfir tærnar á mér. Nú mætti halda að ég væri að tala um óstjórn í þvaglátum en það er nú aldeilis ekki svo. Enn á ný er þvagsýrugigtin að trufla á mér stóru tánna.

Og í morgun hafði hún læðst að mér eins og þjófur að nóttu sem með offorsi hefur þröngvað sér inn til manns. Það er nefnilega svo að þvagsýrugigt verður til vegna þess að það myndast kristallar í liðum og gerist það oftast í liðum sem hanga saman við stóru tærnar á manni, í mínu tilfelli þeirri vinstri. Að þessu sinni var greinilegt að góður slatti hafði myndast ekki ósvipað og í ferðatöskum íslenskra ferðamanna sem heimsækja Tékkland reglulega til að fylla á borðstofuskápana.

"Áiiii" sagði ég og tók síðan til við að reyna brjóta upp kristalssöfnunina. Ég hef nefnilega farið til læknis vegna þessa áður og var þá bent á að helsti möguleiki á því að losna við þetta sé að nudda liðinn og hreyfa tærnar til þess að brjóta upp kristalinn. Ef það dugar ekki er ekki annað í stöðunni en að sprauta í liðinn. Ég hef reynt það og verð að segja að það var verri upplifun en margan grunar. Og þess vegna nudda ég og nudda.

Ætla samt að skella mér í leikhús í kveld með Spúsu að sjá Cabarett með Felixi Bergs o.fl. Geri ráð fyrir að þetta verði hin mesta skemmtun þar sem Felix og sýningin hafa fengið fína dóma eins og sjá má á þessum dómi Fréttablaðsins t.d
“Þá er ótalin óumdeilanlega stjarna kvöldsins, Felix Bergsson. Hlutverk Sally Bowles hefur hreinlega beðið eftir honum. Hann var jafn sprúðlandi og öruggur í söngnúmerunum sínum eins og hann gat verið lítill og umkomulaus þegar allt fór á versta veg hjá aumingja Sally sem kann illa fótum sínum forráð og flýr á náðir Ginflöskunnar. Glæsileg frammistaða!”.

Annað var það ekki.....

Dagur sjö

2005-11-17T20:36:00.000Z

Broskarlar út um alla görn.

Íslenskt mál

2005-11-16T21:04:00.000Z

Mágur minn þykir sterkur á svelli þegar kemur að því að taka upp hljóðefni í svokölluðu "surround". Þar sem hann vinnur hjá hinu opinbera við upptökur þykir ekki við að hæfi að tala um "surround" og málfarsráðunautur útvarpsins hefur gefið fyrirbrigðinu nafnið, hringómur.

Það hljómaði skemmtilega og rökrétt í mín eyru til að byrja með en hefur nú orðið tilefni nokkurra vangaveltna af minni hálfu. Finnst mér orðið hringómur sláandi líkt orðinu hringormur, sem er þó eitthvað sem tengist ekki hljóðupptökum nema ef vera skildi í viðtalsþætti um fristihúsamenningu íslendinga.

Einnig er mikill möguleiki á því að rugla saman nýyrðinu hringómur við íslenska þýðingu Lofts nokkurs á fyrirbrigðinu rappari sem skaut upp í byrjun níunda áratugarins og hefur því miður áunnið sér sess í íslensku máli. Kallaði Loftur svokallaða rappara hrin-góma sem stjórnandi þáttarins er mun hrifnari af.

Annað var það ekki.

P.s. 6. dagurinn í röð.............

Steinríkurinn, nýjar fréttir daglega........

2005-11-15T10:18:00.000Z

Það er ekkert eins vont eins og þegar teygja smellur til baka í mann. Það hef ég nú fundið fyrir sárlega þar sem ég ýtti við einum af mínum dyggustu lesendum með umkvörtun á hve sjaldan hún les orðið bloggið mitt. Hún hefur nú smellt í mig tvisvar sinnum og kvartað yfir því að hér sé ekki uppfært nægjanlega oft. þar sem ég er óskaplega hörundssár maður og yfirhöfuð hræddur við teygjur, uppfæri ég hér og nú.

eins og áhugafólk um líkamlegt ástand mitt veit þá tókst mér ekki að ná takmarki mínu fyrir réttan tíma. lagðist í töluvert þunglindi út af því og mætti ekki á æfingu í 3 daga og át eins og svín yfir helgina. Vaknaði upp með magaverk og doða á mánudagsmorgunn, hysjaði upp um mig buxurnar og tók til við aðhaldið "again". Fullviss um að takmarið næst en bara örlítið seinna. Hins vegar gladdi það mig að komast að því að ég hef komist að því að ég nota ekki stærstu buxurnar í vinnunni minni lengur. Ég var nefnilega að máta vinnuföt og komst að því að yfirmaður minn er nú fitubollan í deildinni. Nota númeri minna af buxum en hann. Í fölskvalausri gleði minni sá ég samt að honum var brugðið.

Annað var það ekki.......

Mánudagsfréttirnar.

2005-11-14T09:46:00.000Z

Vísir, 14. Nóvember 2005 07:48
Breskar konur ofbeldishneigðar
Sífellt fleiri konur berja eiginmenn sína, samkvæmt breska blaðinu Independent on Sunday. Samkvæmt blaðinu segja sálfræðingar ofdrykkju og fíkniefnaneyslu kvenna hafa aukist hratt og leysi úr læðingi ofbeldishneigð hjá sumum. Fá ýmis réttindasamtök allt að 25 símtöl á dag þess efnis að karlmenn séu lamdir heima hjá sér og fari fjölgandi. Sérfræðingar segja almenning sýna karlmönnum þó litla samúð og að yfirleitt sé hlegið að þeim og hæðst.

Þakka fyrir að konan mín stundar ekki ofdrykkju eða fíkniefnaneyslu þar sem hún hefur ekki einungis bresk gen í sér heldur er hún óhemju sterk.

Baggalútur • Fréttir • ETR • 13/11/05
Bað Steinunnar Ólínu í beinni útsendingu
Steinunn hefur lært ýmislegt af kollegum sínum í Ameríku.„Mér finnst þetta bara í hæsta máta ómekklegt. Er þessu fræga fólki ekkert heilagt? Hvar endar eiginlega athyglissýkin?“ sagði bálillur lesandi Baggalúts sem hringdi inn á ritstjórn, en hann er einn fjölmargra landsmanna sem eru bæði sárreiðir og hneykslaðir á vafasömu uppátæki þeirrar Steinunnar Ólínu og Stefáns Karls í þætti Sirríar á SkjáEinum, sem nú gengur eins og eldur í sinu um þjóðfélagið.
Ekki náðist í skötuhjúin vegna málsins en að sögn dagskrárstjóra SkjásEins verður atvikið ekki endurtekið í þættinum, í bili að minnsta kosti, þó Steinunn sjálf hafi sótt fast að láta Stefán baða sig aftur í beinni strax í næsta þætti.

Fyrir þá sem ekki sáu Edduna í gærkveldi þá bað brúdugerðarmeistari Latabæjar Stefán Karl að giftast sér þegar hann veitti Eddunni viðtöku.

Ég uppgötvaði hins vegar nýjan raunveruleikaþátt í sjónvarpi sem mér fannst allveg frábær, INXS Rockstar. Ætlaði að finna link inn á þennan þátt til þess að pósta hér en komst þá að því mér til mikillar armæðu að þátturinn hefur lokið göngu sinni í Ameríku. Búið að krýna sigurvegarann og INXS komið með nýjan söngvara.
Ég hata íslenskt sjónvarp.

Fyrir aðdáendur family guy.

2005-11-13T10:45:00.000Z

Varð að setja þennan inn strax.

Fanatík

2005-11-12T15:15:00.000Z

Ég þoli ekki fanatík. Sérstaklega ekki fanatík sem beinist að sjálfum mér. Ég lenti nefnilega í því að verða fyrir kvörtun frá ungri stúlku sem heldur að hún sé Þorgrímur Þráins. Þannig er nefnilega mál á vesti að við sem reykjum enn höfum fengið að svæla í okkur í brunastiganum. Stúlka þessi hefur skrifstofu á hæðinni fyrir ofan okkur og "er bara allveg að gefast upp á stibbunni". Reyndar á hurðin upp til hennar að vera lokuð öllum stundum en oft á tíðum gleymir hún að loka á eftir sér. Ekki spurning að hún á að sjálfsögðu rétt á að vera laus við fnykinn af reyknum en maður byrjar ekki á því að vaða í yfirmenn og kvarta yfir samstarfsmönnum sínum. Og halda síðan að við verðum glaðir með það. "Ég ætla bara vona að strákarnir láti mig ekki gjalda fyrir að ég hafi kvartað yfir þeim" heyrði ég hana síðan segja í hádeginu í dag. Ég gat náttúrulega ekki setið á mér og benti henni á að þrátt fyrir að hún hafi hingað til getað gengið inn til okkar og fengið aðstoð að þá væru reglurnar þær að notendur eigi að senda inn verkbeiðni sem síðan eru afgreiddar eftir mikilvægi þeirra. "Og hingað til hefur ekki verið mikið varið í vandamálin þín" sagði ég síðan með þjósti og strunsaði burt.

.......og skáldið lifir.

2005-11-11T15:51:00.000Z

Eins og með öll önnur almennileg skáld og snillinga þá áttar þjóðin sig ekki á snilligáfu þeirra fyrr en of seint.

Þetta átti að póstast í gær.

2005-11-07T08:42:00.000Z

Nú hef ég fjóra daga til þess að ná takmarkinu mínu. Rétt rúmum tveimur kílóum frá því að vera kominn í tveggja stafa tölu. Samt sem áður er ég ótrúlega sáttur við gengið þó að gengið hafi hægt undanfarnar 3 vikur. En hvað um það í 102 úr 117 á tveimur og hálfum mánuði er kannski vel ásættanlegt. Ég á hins vegar lítð af fötum.

Sjálfstæðismenn völdu sér fyrirliða í næstu borgarstjórnarkosningar um helgina. 12000 einstaklingar með réttar skoðanir skunduðu á kjörstað og ákváðu að Villi Vill væri besti kosturinn í stöðunni við að ná Reykjavíkurborg til baka. Reyndar voru Vinstri Grænir nánast búnir að færa þeim borgina með ákvörðun um að rifta R-listasamstarfinu og verður að segjast eins og er að ég var búinn að afskrifa Reykjavíkurborg í hendur sjálfstæðismanna þegar það gerðist. Vinstri menn bjóða ekki fram sameiginlega og sjálfstæðisflokkur með vinsælasta sjónvarpsmann landsins í fararbroddi. Ekki séns á að það gæti klikkað. Niðurstaða prófkjörs hinna rétthugsuðu gefur mér hins vegar von á að kosningar í vor gætu orðið spennandi. Ég er reyndar orðinn hundleiður á mussunum í R-listanum þrátt fyrir að hafa verið diggur stuðningsmaður þeirra frá byrjun. En samt sem áður..... Sjálfstæðisflokkur versus eitthvað annað nú þá kýs ég eitthvað annað, punktur.

Þar sem að´dáendur hafa verið svelltir töluvert undanfarna daga þá býð ég hér upp á linka:
Kristján Ólafsson kallaði þetta færanlegt hundahald fyrir 20 árum síðan.

Wikipedia er áhugaverður vefur. Þetta er til dæmis hægt að finna þar.

Eitthvað sem hver kona ætti að eiga á sínu heimili?

Jólagjöfin í ár?

MBL er með smáauglýsingavef. Þar er kúnstugt að setja inn leitarorðið "Ási Geir".

Hér er hægt að senda tilvonandi barnabörnum email.

.... og að loggum má alltaf spjalla við Guð